【聲明】港生活網站並無進行電話推廣活動

王梓軒赴美搵好兄弟錄歌

發佈時間: 2019/10/23

將於今年底舉行十周年演唱會的王梓軒,早前特別寫了個唱主題曲《多得你》,更遠赴美國洛杉磯,找回昔日戰友唐達錄音。梓軒說︰「我嘅十周年,梗係搵番第一日、第一個合作嘅人去做歌。」他笑言以往都會飛往唐達在新加坡的home studio錄歌︰「我當時係對住個廁所錄音,因為嗰度先夠遠,唔會吸到鍵盤聲。」

今次梓軒在唐達的美國家中錄音,一錄便六小時,梓軒同時找來另一好友,三個人齊齊唱和音。他說︰「我四隻碟好多歌都係唐達做,今次搵佢編十周年嘅歌,仲喺佢屋企錄音,感覺好窩心。」

王梓軒邀請唐達於年底來港欣賞演唱會。