孖閨密歐遊 陳曉華着小背心無艷遇

上屆港姐冠軍陳曉華（Hera）正式卸任後，早前孖好友去歐洲旅遊，她前晚錄影節目時，大呻在當地即使穿得性感，但依然零艷遇，反而成了朋友的電燈膽。

陳曉華、林穎彤（Bella）、譚嘉儀及吳若希等前晚錄影遊戲節目《娛樂大家》，Hera剛去完歐洲及中東旅行返港，此行到訪土耳其、巴黎及杜拜。問她在當地可有艷遇？她說︰「土耳其人好熱情，買雪糕嘅人同我玩，佢拎住個雪糕球，打到我個鼻好痛，不過好好玩。」她在社交網上載不少性感靚相，提到她穿小背心行街都沒人搭訕，她笑說︰「當地個個女性都咁着，所以啲男仔都係掂行掂過，我注定出埠係無艷遇嘅。」

Hera透露今次與一對情侶朋友同行遊埠，主要為男性朋友慶生，她笑言全程做電燈膽︰「呢pair情侶想我一齊去，唔係仲有邊個同佢哋揸機影合照！其實女仔係我閨密，我選美都係搵佢做提名人。」她自言旅行時都有穿泳衣浸水，但因為增磅不少，所以只敢穿「一件頭」︰「旅行嗰陣日日食pizza，我塊面同肚腩都肥咗，依家要立即減肥。」

林穎彤攞老人牌喊驚

同場的Bella前日27歲生日，獲吳若希、譚嘉儀送上蛋糕慶祝。Bella笑說︰「我覺得踏入27歲感覺好女人，未接受到自己大個女。公司叫我拎十周年金牌，我覺得自己真係老喇，好驚。」問緋聞男友伍富橋可有表示？她自言全日要開工，所以未能正日慶祝，但對方已傳短訊祝賀︰「其實我想將感情事低調，一日未結婚都唔好認。」

撰文︰Pauline

編輯︰李潔盈

美術︰梁政敏

攝影︰林良明