張彥博打邊爐慰勞完騷

早前剛完成演唱會的張彥博，前晚錄影《娛樂大家》，他表示之前一直節食操肌，完騷後昏睡兩天「叉電」。問他如何獎勵自己？他笑說：「我打咗兩餐邊爐，我之後要拍劇，雖然未知使唔使騷肌，但都會重新再操，（肌肉）用得着就隨便用！」

張彥博笑言要請「跳躍F4」好兄弟羅天宇、郭子豪及何廣沛食飯，答謝他們任個唱表演嘉賓。他說：「我依家仲爭羅天宇個期，希望一次過找數，到時去朋友間餐廳請佢哋食威靈頓牛。佢哋好奄尖，食得唔好唔收貨，所以一定要有誠意。」

攝影：林良明