【聲明】港生活網站並無進行電話推廣活動

潮飲中國精品茶 品嘗慢活時光

發佈時間: 2019/10/24

嫩粉紅襯淡金銀,小清新的優雅包裝,不說以為在歎英式breakfast tea;定神一看,卻原來是中國茶。兩年前才由May成立的「茶老七」,就旨在讓喝中國茶年輕化、簡單化,讓忙碌的新一代,也能在拼搏過後呷一口茶,喘一喘息,停下來享受慢活。

老闆羅筱微(May)曾在日本大型化粧及護膚品公司工作21年,2016年離職時,是香港區的總經理。「嗰時做嘢壓力真係好大,就想去搵啲嘢學放鬆下,連泰拳都學過。」嘗試過不同事物後,最後她選擇了品茶,「以前做日本公司,日本人好鍾意飲茶,因工作需要自己都成日飲,慢慢就有興趣。但我就諗,既然日本茶都係中國傳入,要學點解唔學最Orignial嘅呢?」她決定拜有「鳳凰單叢第一人」美譽的潮州茶藝師黃柏梓學藝,自此中國茶道成為了她的愛好。

「以前星期一至五就狂做,一到星期六、日就約朋友喪玩,以為咁樣就係放鬆。唔止我,好多香港人都係咁。」May以自身的經歷,希望大家可以透過品茶做到Work life balance。「學咗茶之後覺得,其實Relax可以好簡單。放工返屋企,靜落嚟沖杯茶,慢慢品嘗,成個過程係一個Enjoyment。唔使一定要假期先可以放鬆,平日隨時都可以。」

鳳凰山自家茶園

名字「茶老七」中其實已包含了May的意念,「古人話開門七件事『柴、米、油、鹽、醬、醋、茶』,到『文雅版』嘅『琴、棋、書、畫、花、酒、茶』,無論係『養生』定『養心』,『茶』都係排第七。茶可以令我哋心靈上滿足,畀到我哋家嘅感覺。」

不要以為他們的出品徒有其表,他們在單叢茶的名產地潮州鳳凰山擁有自家茶山,品質自有保證。單叢10大花蜜香型之一的蜜蘭香、老叢拓富等都是自家茶山出產,其他雲南產的昔歸普洱、七子普洱、金邊玫瑰,及廬山的雲霧綠茶等,都是直接向當地茶農購入,由May親自視察過。「咁樣可以確保茶嘅品質,知道飲緊啲咩落肚。我哋嘅茶葉重金屬同農藥殘留都唔會超標,亦都符合公平貿易原則。」店內現已有12款茶,超過30款產品。

擔心初接觸茶的年輕人無從入手,May特別在包裝上照顧新茶客。「後面有晒產地、功效、沖法,新手都唔怕唔識。」下次想Relax,與其約朋友喪玩,不如試着靜心下來沖杯茶,感受慢活。

茶老七

電話︰9662 2816

網址︰www.slower-pace.com

銷售點︰崇光百貨、慢活館網站、HKTVmall、The Club

撰文︰王寶欣

編輯︰余運慶

美術︰梁政敏

攝影︰林良明

古樹滇紅茶茶葉$340、茶包$290︰ 產自雲南西雙版納勐海巴達山,茶性溫潤,有健胃整腸、助消化作用,特別適合手腳冰冷的女士飲用。亦有美容養顏、抗氧化等功效。

烏崬蜜蘭香茶葉$340、茶包$290︰ 蜜蘭香為單叢10大香的珍貴名叢之一,以其形美、色翠、香郁、味甘而聞名。不但帶有甘薯「蜜味」,入口後更散發芝蘭花香。

茶老七 X MICKCO CHAN特別版「慢活」昔歸普洱(茶餅) $480(連MICKCO Tote Bag及茶針)︰ May特意與著名插畫師Mickco合作,推出特別包裝的普洱茶餅,為傳統茶藝添上新意,「茶餅」不再「老餅」。昔歸普洱山野氣佳、味道純,是普洱茶的珍品。

May說,希望令泡茶簡單化,讓大家在辦公室和家中也可以隨時茗茶。