Jessica@SG拍旅遊節目要溫書

女團Super Girls成員蔡明思（Jessica）將於本月底假台灣舉行婚禮，早前她到日本拍攝台灣旅遊節目《出走地圖》，亦是她「單飛」拍攝旅遊節目。她直言十分緊張︰「我都擔心自己一個應付唔到，所以每晚都熟讀資料，好似以前做學生考試溫書一樣，拍完覺得成功感好大。」

今次Jessica走訪了不同地方拍攝，包括去動物園和遊覽神社，她興奮表示︰「第一次近距離接觸啲動物，其中要坐船去唔同嘅島餵猴子，佢哋會乖乖坐喺你身上，好可愛，好想帶佢哋返屋企。」