連環開工拍劇 廖碧兒4日無落粧

廖碧兒、琦琦及薛家燕等昨日在山頂出席慈善步行活動，廖碧兒近日忙於拍攝ViuTV劇集《娛樂風雲》，由於劇集邊拍邊播，所以不時趕拍︰「之前試過連續開工四日拍劇，無返屋企、無落粧，補粧都補咗三日，好彩有打燈師傅。」她自言今次拍劇，跟以往無綫拍處境劇完全不一樣︰「因為今次全外景，好難控制時間和地點。」

同場的活動大使琦琦，雖然身體抱恙仍堅持出席活動。問她何以不帶囡囡任晴佳出席？她表示囡囡患上感冒，可能被自己傳染︰「我都擔心傳染畀老公（任達華），所以喺屋企我會自我隔離。」提到任達華早前遇襲，琦琦指老公的康復進度不錯︰「佢隻手可以做適當運動，但隻手暫時唔可以出汗，亦未用到力，所以唔可以打高爾夫球。」