3場個唱圓滿結束 阮兆祥感激梅小惠︰欠佢一世！

阮兆祥（祥仔）前晚在旺角麥花臣場館舉行演唱會尾場，雖然個唱撞正旺角警民衝突，幸好祥仔順利完成，更唱到晚上11時才結束。祥仔坦言今次開足三場感受甚深，他又點名感激好友梅小惠出心出力，助他完成夢想。

阮兆祥在騷後受訪，坦言一連三晚演出，各有不同感受︰「頭場好緊張，好似我嘅初生BB；第二場有90分，今日（前晚）就係非常舒泰，監製話畀足120分，見到觀眾都好投入。」旺角前晚有示威及封路，祥仔坦言特別感謝觀眾在交通不便時，依然前來捧場︰「部分觀眾提早出門口，亦有人擔心嚟唔到。其實我啲飛全部賣晒，但最後得八成人嚟到。」他自言本來不打算encore︰「我話無車走啦，但觀眾都唔肯走。」

祥仔表示早已想過交通問題，場館亦表示若街上危險，可讓大家暫時留在場館內。問他會否為無法出席的觀眾安排退款？他表示要問主辦方︰「梅小惠係大統籌，如果有朋友嚟唔到，我絕對願意退款。」

儲錢再開騷

祥仔今次相隔六年再開騷，身為個唱出品人的他，坦言三場個唱共花費七位數字製作，所以下次想再開騷，就要等他先儲錢︰「今次我將個台加高、加長，加上機器同燈光，總共用咗190盞燈，超出咗預算，因為我想做個有水準嘅騷，作為自己回歸樂壇嘅禮物。」他透露有娛樂公司跟他洽談開巡迴演出，若成事會在明年實行。

問到今次開騷能否達到收支平衡？祥仔說︰「應該未必得，我未計數，要問番小惠，我成日話想使錢，佢就叫我慳啲。」他大讚小惠是義氣仔女，為了他的個唱花了很多心思、體力和時間︰「小惠係全力付出，我一世欠佢。」

撰文︰Pauline

編輯︰李潔盈

美術︰梁政敏