崇光感謝祭周三開鑼 逾千筍貨優惠發售

鍾意行街嘅朋友，點可以錯過崇光感謝祭！黛安知道今次感謝祭提早咗2日開始，今個星期三（6日）至24日，一連19日喺銅鑼灣店及尖沙咀店同步舉行。今次連營業時間都提早咗，兩間店都會喺朝早9點起就開始營業，掃貨時間多咗，大家可以盡情搜購心水貨品喇。

黛安收到風，感謝祭頭3日有唔少焦點優惠貨品，好似銅鑼灣店首日（6日）會有ESTEE LAUDER王牌修護賦活眼霜套裝，由987元勁減到495元；仲有SamsoniteOctolite3件行李箱套裝，由7,888元減至3,388元，平咗一半呀。場內有過千件貨品會推出超筍至抵優惠，部分精選貨品數量有限，要買就要快手。

而喺感謝祭舉行前夕及舉行期間，大家亦可以透過崇光網上商店訂購感謝祭嘅精選貨品，好似美粧及護膚品、超市食品、電器、寢具、旅遊用品及家居生活用品等。另外，由11月18日起，仲有腕錶及珠寶首飾、運動用品、兒童用品及玩具以優惠價發售。只要買滿1,200元，更可享免費送貨服務，但係化粧及護膚品、腕錶及珠寶首飾除外啊。

另外，由即日起至明年1月1日期間，滙豐信用卡持卡客戶凡成功登記及喺崇光銅鑼灣店、尖沙咀店或崇光網上店，累積合資格簽帳滿淨值2,000元，即單一簽帳淨值滿500元計，即可享額外7%「獎賞錢」回贈。每位持卡人可獲最多額外700元「獎賞錢」。咁多筍貨，黛安已經約定好姊妹一齊去掃貨喇。