日前陳山聰小登科迎娶拍拖5年嘅圈外女友Apple，婚禮雖然一切從簡冇兄弟姊妹團，但山聰就一反傳統向份屬同輩嘅好兄弟郭政鴻斟茶。二人交情甚深無異於家人，山聰係郭政鴻2個女嘅契爺，2014年二人成立「國際獅兄弟同學會」，2017年山聰奪TVB「最佳男配角」發表感言時，也特別感謝郭政鴻喺佢人生最低潮嘅時候無放棄過佢。
（郭政鴻微博）
今年53歲嘅郭政鴻，入行33年，龍虎武師出身嘅佢自言足足花咗10年時間，先洗甩武師味道：「我做演員一開始已經係低潮期，覺得自己嘅機會唔係咁好。」雖然當年做武師收入唔錯，但郭政鴻夢想係成為一名真正嘅演員。於是佢甘願減少9成人工，由配角捱起，只希望有日可獲觀眾認同自己係識做戲嘅專業演員。
（東星娛樂）
入行多年郭政鴻演得最多都係武俠片同警匪片，仲經常都係演反派。直到拍了《古靈精探》演李小龍粉絲伸張正義，觀眾先至發現佢好有新鮮感嘅另一面，原來郭政鴻都識演喜劇。
（網上圖片）
2015年郭政鴻離開工作咗28年嘅TVB，佢認為一個新人係需要喺TVB磨練演技打好根基。經過多年的鍛練後，他決定要往外闖，迎接新挑戰。
（郭政鴻微博）
（郭政鴻微博）
離巢後郭政鴻工作量少咗，但收入比以前多，仲多咗私人時間。事業家庭兩得意，演戲時獲得滿足感，返到家中就享受親子樂。郭政鴻2位女兒郭倩欣和郭詠之分別9歲及7歲，提起佢哋郭政鴻隨即慈父上身，事事以「女」為先。
（郭政鴻微博）
（郭政鴻微博）
依家嘅佢出名係圈中嘅好好先生，但其實佢都曾經歷一段失敗婚姻。郭政鴻2003年曾跟廣州女子結婚，惜婚姻只維持3年。郭政鴻離婚後，曾同滕麗名傳緋聞傳足3年，但二人一直堅稱只屬好朋友。而郭政鴻2009年認識咗現任妻子，其後大女兒出生，2011年二人正式結婚。
（東星娛樂）
郭政鴻表示離婚後人生觀有變，人變得成熟，唔希望再因自己的任性，令伴侶不愉快。婚姻失敗令郭政鴻體會到，如果要共同生活，一定要找到彼此真心相愛的人，先可以開開心心共度下半生。
（網上圖片）
撰文：黃蘊姿