老公識煮識食 苟芸慧：煮嘢畀佢好大壓力

苟芸慧（苟姑娘）昨日到上環出席聖誕活動，她興奮透露早前考獲法式糕餅師牌，憑此證書日後可在法國開餐廳。問到是否有意到當地開餐館？苟姑娘坦言有興趣：「當做有條後路，將來嘅事到時再算，如果有人有興趣投資都ok。」

提到老公陸漢洋是否受惠於苟姑娘的愛心甜品？她笑說：「整嘢畀老公食係好大壓力，因為佢要求好高，每次上完堂帶啲食物畀佢，佢都夠膽批評我，因為佢好直接。開頭我會有少少嬲，但冷靜落嚟會諗番佢批評嘅原因。」她大讚老公廚藝一流，所以她早前要應付考試及老公試食，令她壓力大到甩頭髮。另外，提到生B計劃，她笑說：「要延遲再延遲，其實我哋協議咗三年後，依家過咗一年，我仲有兩年時間充實自己。」

採訪︰Pauline