《嫁到這世界邊端3》播出的第7個越洋愛情故事，正是嫁到比利時的人妻Hebe，Hebe在香港是一名護士助理，在網上認識比利時人Michael，兩人正式相戀和同居，在香港結婚住了8年，育有一女兩子，沒想到Hebe再次懷孕，而第四胎是一對孖仔。Hebe和Michael為了孩子有更好的生活和教育環境，決定移居比利時生活，Hebe說：「其實我覺得香港好靚，真係十萬個唔捨得，為咗小朋友，冇辦法啦，離開香港嚟呢度對佢哋嚟講係最好選擇。」
相關新聞：【嫁到這世界邊端3】留學澳洲港女棄高薪厚職嫁到新疆 「新婚初期要問朋友借錢」
Hebe與Michael為了小朋友的緣故，搬返比利時生活。（圖片：《嫁到這世界邊端３》電視截圖）
Hebe表示一直都鍾意小朋友，不過沒想過生這麼多。（圖片：《嫁到這世界邊端３》電視截圖）
Hebe與Michael在網上認識，同居大半年後結婚。（圖片：《嫁到這世界邊端３》電視截圖）
Michael為了追求Hebe由內地轉移到香港工作。（圖片：《嫁到這世界邊端３》電視截圖）
當得悉第四、第五位小朋友將會出現時，他們決定舉家移民。（圖片：《嫁到這世界邊端３》電視截圖）
Hebe一個人照顧5個小朋友，非常厲害。（圖片：《嫁到這世界邊端３》電視截圖）
其實Michael一直都非常適應香港的生活，一家人都非常開心，只是小朋友增加，令他們不得不考量更多。由於歐洲國家人口老化情況嚴重，政府出招鼓勵國民生育，愈生得多愈好，Michael和Hebe生了五個小朋友，政府答應每生一個就有折算約1萬元港幣現金獎，另外每個小朋友每個月都有等同2,000蚊港幣稱為「奶粉錢」的生活津貼，而且他們還得到不少社會福利，坐交通工具費用半價，多孩家庭更獲得批准交少一半稅，難怪主持人陳貝兒形容：「比利時真係一個生B樂土。」
移居兩年，Hebe開始習慣當地的生活，每日主要照顧5位小朋友的飲食和返放學，而Michael收工又會返屋企，經常負責陪小朋友玩樂，Michael在當地工作，每周工作只是36小時，而每年的有薪年假32日，對比起香港，他能夠花更多時間陪小朋友成長，實在難得。
相關新聞：《嫁到這世界邊端3》港男暗交已婚男8年才公開關係 「同人哋唔同都可以好快樂」
陳貝兒跟Michael一家大合照，非常熱鬧。（圖片：陳貝兒Facebook)
孖仔好得意呀！（圖片：陳貝兒Facebook)
陳貝兒昨晚在社交平台上載跟Hebe一家的合照，並留言分享說：「五個小孩的母親，好熱鬧嘅 big big family！Hebe，你真係將上天賜予比（畀）女人嘅本能發揮得淋漓盡致！我真心佩服得五體投地！喺Hebe身上我睇到上一代傳統女人嘅嗰種賢良淑德。我哋嫲嫲婆婆果（嗰）代，一個女人生十個八個真係閑閑（閒閒）哋啦，不過而家好少女人會。我真心覺得Hebe好偉大、好有耐性同埋好好生養！一個女人生五個，冇請工人湊仔執屋煮飯洗衫一腳踢！有冇見到 Hebe 望住佢老公Michael嘅心心眼，以佢哋嘅恩愛程度，我有理由相信佢哋絕對有可能會一路咁生落去⋯⋯BB，真係用愛造出黎㗎 ！為咗d（啲）小朋友，Hebe放棄咗好多嘢，不過佢都有個小興趣，就係整曲奇餅，仲整得好靚！我哋臨走前佢仲(為)全crew人度身訂造每人整左（咗）一個俾我哋！thank you Hebe ！」
Hebe的大女為陳貝兒畫畫。（圖片：陳貝兒Facebook)
Hebe湊小朋友之餘仲有時間整餅，好堅呀！（圖片：陳貝兒Facebook)
陳貝兒更將同樣在比利時生活的「男性人妻」Stephen介紹給Hebe，兩人雖然住在一東一西較遠的距離，但都有相約見面，貝兒搞笑說：「Stephen得閒不如過去幫手湊仔呀！」
陳貝兒介紹兩位比利時人妻互相認識，讓兩人在當地可以有所照應。（圖片：陳貝兒Facebook)
撰文：楊安莉