「功夫女王」楊盼盼2004年創立「煇煌娛樂」，任公司CEO製作電影；2010年創立HitHut電影動作訓練創作室，培養武打人才。近日佢喺內地搞嘅動作特技培訓基地正式開幕，獲近百位圈中好友特別赴佛山撐場。盼盼表明自己除咗教演員功夫外，亦會教佢哋做人處事。
（楊盼盼微博）
（楊盼盼微博）
有「女成龍」之稱嘅盼盼，自幼就入京劇學校受訓，全因京劇戲班是培訓武術人才最好的地方。盼盼自幼母親就喺國泰片場開餐廳，8歲入戲行，9歲就擔任第二女主角。未幾國泰倒閉，她12歲就改去邵氏做咗3年特約演員，短短數年間給予她很多發揮和學習機會。
（網上圖片）
喺邵氏年代，楊盼盼亦擔任特技演員，令佢可以從日本、法國等地嚟嘅外國武指身上學到當時最新嘅技術。如今已61歲嘅佢仍非常熱愛功夫，積極培訓動作演員。佢知道「武師」業就快青黃不接，唔想人才出現斷層，於是去到國藝影視城發展佢嘅動作特技演員培訓事業。
（東星娛樂）
楊盼盼80年代每逢台慶、《歡樂滿東華》都會演出高難度特技。上年9月盼盼喺馬來西亞拍攝電影《大地回春》，因片場失火而被燒傷，幸最終傷勢冇大礙，仲為緊接嘅《東華》復出表演，堅持幫忙為慈善出力，十分專業。不過年輕嘅時候，盼盼對自己經常要做呢類表演感到苦惱：「因為我出身邵氏，台慶係邵先生（邵逸夫）生日，所以台慶要我做乜就做，但好唔開心點解淨係叫我做打、做危險動作？」
（東星娛樂）
盼盼多次爭取轉做文戲角色都不得要領，直到遇到天林叔搵佢拍《射鵰》，本來原著「穆念慈」戲份不多，但天林叔加重穆喺電視版嘅戲份，仲適時引導佢點樣演繹，盼盼話喺天林叔身上學到咩係好監製。最後盼盼演嘅癡情穆念慈，成為咗觀眾心目中最經典嘅穆念慈。
（網上圖片）
天林叔（東星娛樂）
現實中嘅楊盼盼都曾經歷一段錯愛。盼盼年輕時戀上有婦之夫，苦候對方回復單身後，排除萬難結婚，婚後育有女兒Jessica，以為終覓幸福，惜婚姻僅維持一年，離婚後楊盼盼肩負起湊大女兒嘅責任。楊盼盼作為單親媽媽，因工作養家好少時間陪阿女，感到非常愧疚。幸而女兒懂性，依家己長得亭亭玉立，喺時裝品牌公司任職，同媽咪關係都好Close。
（楊盼盼IG）
（楊盼盼IG）
撰文：黃蘊姿