【聲明】港生活網站並無進行電話推廣活動

楊怡請埋助手做綫眼 羅仲謙:無壓力無身痕

發佈時間: 2019/11/08

羅仲謙與岑麗香昨日出席珠寶品牌活動,有傳羅仲謙與張秀文拍劇時,女方主動埋身,羅仲謙笑言傳聞「得啖笑」,太太楊怡絕對信任他;他又自言對楊怡一條心,絕對不會「身痕」。

羅仲謙與太太楊怡盛傳造人成功,二人上月共度結婚三周年,但他因開工拍無綫劇《木棘證人》未有慶祝,會否去外地旅行補祝?他說:「暫時唔飛住。(因為楊怡陀B?)如果成功都唔講住,到三個月先講,我都要問下佢係咪有咗,我之前開工,我哋有30幾個鐘無見,好陰功。」

稍後羅仲謙往內地拍劇,他笑說:「要搵食嘛,老婆都叫我出去搵錢,生BB都要實行,依家老婆會休息,加上我喺廣東省拍劇,搵對方都好方便,依家老婆係我半個經理人,我接咩工作由佢話事。」提到拍劇時與張秀文傳緋聞,羅仲謙笑說:「老婆都唔在意,其實我依家個助手都係老婆請嘅,佢喺無綫咁多年,我身邊周圍都係綫眼。」問他會否有「身痕」壓力?他笑說:「無壓力、無身痕,身痕就自己𢱑,或者搵太太,無第三個人,太太對我好信任。(眼裏只有太太?)返到屋企,梗係只有佢啦。」

香香執二攤拍《BB來了2》

同場的香香快將35歲生日,她希望到時與老公及囝囝一齊過。提到頂替李佳芯拍《BB來了》續集,她說:「我唔覺得係執二攤,只要係好角色都想演。」

採訪︰Pauline

編輯:李潔盈

美術:梁政敏

岑麗香表示囝囝已七個月大,長出牙仔相當可愛。