「老婆同阿媽跌咗落水，你救邊個先？」相信唔少已婚男士都畀呢個千古難題考起。唔知點解，自古以嚟奶奶同家嫂好多時都係火星撞地球，如果婆媳關係有得開班嘅話，相信都會賺到開巷！明星都係凡人，唔少明星都被「如何與奶奶和平共處」考起，以下我哋一齊睇吓有邊啲氹掂奶奶嘅成功例子，又或者同奶奶水溝油嘅反面例子，以作參考。
胡杏兒
（胡杏兒Facebook）
胡杏兒嫁畀李乘德後經常大晒幸福。有一年冬至杏兒嘅奶奶用咗兩日時間親自準備十餸兩湯過節！杏兒都好識做大讚好味，仲留言話表示：「我這個新抱真的太幸福了！」HASHTAG埋佢係最佳奶奶，奶奶又點會唔冧！胡杏兒曾透露，當佗第一胎時奶奶經常燉補品畀佢，現在更與奶奶一齊住，奶奶仲會幫手湊孫，婆媳關係十分好！
（胡杏兒Facebook）
蔡少芬
蔡少芬（Ada）同張晉婚後育有兩名寶貝女楚兒及信兒，最近蔡少芬仲佗第三胎，張晉錫到Ada燶，一家人十分溫馨。不過原來Ada同奶奶「唔係好熟」，婆媳相處勁老尷。之前Ada上內地節目被安排蔡少芬同奶奶共處一室，一直健談的蔡少芬都隨即變得沉默，奶奶回答她時都時一句起兩句止，場面好尷尬。
（《我最愛的女人們》截圖）
節目中更安排蔡少芬問張晉「我和你媽媽哪個最重要？」不過張晉就冷靜答係媽媽重要，因為冇阿媽就冇佢，就唔會遇到蔡少芬咁話。
（《我最愛的女人們》截圖）
不過之後二人扮婆媳鬧翻整蠱張晉，足見二人關係其實唔差！
鍾麗緹
現年48歲的鍾麗緹2016年下嫁比佢細12歲的張倫碩，三個女兒都改為姓張，正式成為一家人，更加印證愛情是不分年齡。
（鍾麗緹微博）
（《我最愛的女人們》截圖）
（《我最愛的女人們》截圖）
而張倫碩媽媽對鍾麗緹呢個新抱十分滿意，不過就對佢嘅年紀略有微言：「我家兒媳婦別的沒毛病，要是再小幾歲就太完美了。」據知張媽媽只比鍾麗緹年長10歲，不過佢喺其他方面對鍾麗緹亦讚不絕口：「省心甚麼事也不管，她想得太面面俱圓，挺好的。」
撰文: 黃蘊姿