【聲明】港生活網站並無進行電話推廣活動

無份演《踩過界II》 李佳芯承認好可惜

發佈時間: 2019/11/12

李佳芯(Ali)、陳豪和朱晨麗、黃浩然、蕭正楠等,昨日到將軍澳電視城錄影《Do姐有問題》,早前有傳Ali因在社交網的言論而捲入政治風波,慘遭無綫雪藏。Ali昨日亮相節目,是否代表已「解凍」?她說︰「由Day one指雪藏都係睇報紙至知,對我嚟講,完咗個劇,出咗幾個trip,本身無劇會得閒啲,都間中出席公開活動。」她承認工作減少,暫時也未接新劇。

有傳Ali有份演出的《殺手》,其戲分遭刪減,她表示︰「無睇過trailer,但我哋拍完有個初步rough cut,本身套劇多人拍,有黎耀祥、陳豪,可能新出一條trailer有re-edit版。」

談到劇集《BB來了2》換上岑麗香做女主角,問Ali可會失望?她說︰「無,香香好有觀眾緣,可能有另一種效果,佢又啱啱生完BB,好期待佢出返嚟。」而Ali亦沒參與《踩過界II》,她直認有點可惜。問到可有後悔作出政治表態?她說︰「呢件事係幾敏感,自己係低估咗,有時想寫一啲內心感受,自己唔係激進,純粹抒發個人感受,但喺敏感時間會容易觸動到人嘅神經,公眾人物亦會被放大。自己只想做一個演員,唔想畀政治蓋過工作。」

此外,陳豪完成劇集拍攝後正放假休息,同時忙於打理咖啡店生意及湊仔,預計明年才再拍劇,問到咖啡店生意可有受近期社會事件影響?他笑說︰「有,但唔算太緊要。啱啱開始起步,沖咖啡成本唔係咁犀利,已覺得好幸運。(有無要求減租?)跟大隊,同商場都有協議。」

陳豪對咖啡店生意仍感到樂觀。