家人無催拍拖 湯洛雯為陪爸爸唔願嫁

湯洛雯（靚湯）、鄧佩儀及簡淑兒前晚綵排《萬千星輝賀台慶》，靚湯雖然緋聞多多，但目前單身的她笑言父親不心急她拍拖，她亦樂意陪伴在父母身邊。

一眾藝員在台慶當晚會以不同樂器演奏歌曲《今宵多珍重》，負責彈豎琴的靚湯前晚綵排時，彈得有板有眼，原來她在大學時期已學習豎琴︰「呢排忙住拍劇，而且仲未有琴譜，不過惡補一下應該問題唔大。」早前略為發福的她，笑言一邊拍劇一邊努力收身，現在自覺已回復之前的身形。

靚湯又透露早前父親湯鎮宗生日，所以特意抽空，一家人快閃去大阪旅行慶生，但因她要趕拍劇，所以她只逗留兩日便先行回港。她說︰「每年都會一家人去旅行，今次梗係請阿爸去啦。」提到爸爸可有催她拍拖？她笑說︰「咁又無喎，佢仲叫我唔好咁快拍拖住，要睇定啲先，咁老竇都唔捨得個女咁快離開佢嘅。」

鄧佩儀自爆有人追

同場的鄧佩儀則表演彈鋼琴，碰巧前晚正是她的27歲生日，她笑說︰「我同鄭俊弘、蔣家旻都係同一日生日，所以年年都互相祝對方生日快樂，上年都有一齊開party。」她笑言今年會安排自己食快餐慶祝︰「我平時好養生，要keep fit同怕皮膚唔好，所以好少食炸嘢，生日先放縱下，我都有諗過喺快餐店開生日會㗎。」她又透露目前有追求者︰「五個以下啦，自從留長頭髮之後多咗人追，但未遇到一個自己好鍾意。」

至於最近勤力操肌的簡淑兒，早前在IG大曬六塊腹肌，她說︰「前年開始做gym，依家有六塊腹肌都夠，體脂都係得10%。」她笑言已預了上圍縮水︰「算係等價交換，要食番多啲，橫掂依家無男朋友，所以無所謂。」

撰文︰Pauline

編輯︰李潔盈

美術︰梁政敏

攝影︰林良明