如今很多TVB藝人演戲、唱歌、跳舞全方位發展，部分不是歌手出身的女星更大膽上《流行經典50年》或於商場獻唱，當中有些一開口就非常驚艷，水準之高可直接出碟，但有些則被網民形容是「小噩夢」！
相關新聞：李佳芯被雪藏黎諾懿變炮灰 《BB來了》大執位馬明同邊個頂上？
黃智雯
黃智雯曾演唱《唯獨你是不可取替》跟不上拍子，有網民鼓勵：「啲高音上唔到去，不過已經好努力」、「佢原本唔係專業歌手算唔錯」，但有人就不留情狠批：「冇乜唱功」、「媽呀，車禍現場難聽」。後來她花2個月練氣，日前就於雲頂再次開金口，終於獲得5,000個觀眾拍爛手掌。
睇片：https://youtu.be/BRjubeW_HTY
(TVB電視截圖)
李佳芯
李佳芯人靚，大家自然會覺得聲甜，不過原來2016年她唱《小幸運》時，就慘遭網民批評狂走音，笑言她將《小幸運》唱成《小噩夢》，當時李佳芯坦言平時不會唱歌，能合格已算偷笑。後來李佳芯秘密練兵再唱《如果你有事》已有進步。
睇片：https://youtu.be/xgF6naqr05E
(李佳芯 instagram)
劉穎鏇
劉穎鏇曾表演唱《終身美麗》，但唱到如同讀書，不擅講中文的她連咬字都有好大進步空間，她就坦言驚到隻腳邊唱邊震，又話要努力再練如何飆高音。
睇片：https://youtu.be/ICHnCSvfz_o
(劉穎鏇 instagram)
張曦雯
張曦雯曾唱《親密關係》引起網民討論，有粉絲就力挺偶像唱得好好聽，但同時有網民指她的歌藝有待改善，狠評：「五音不全」﹑「返去唱k算啦」，她解釋自己平時有練開歌，今次是沒有時間練習所致。
睇片：https://youtu.be/4EFXUgNgDIE
(TVB電視截圖)
高海寧
高海寧曾演唱《Lemon Tree》，雖然被網民批評：「黐脷筋，咬字勁唔清楚」、「真係唔知唱咩，又冇字幕」，可幸節奏感、聲底不錯，又甜又嗲，成功獲得男觀眾歡心。
睇片：https://youtu.be/uWLpx0IX6q0
(TVB電視截圖)
康華
康華曾演唱《你怎麼捨得我難過》，網民反應正面：「TvB畀多些機會康華啦！」、「人靚聲甜，可以去做歌手」
睇片：https://youtu.be/QQDwKBWo2rY
(TVB電視截圖)
劉佩玥
劉佩玥雖然不是唱歌出身，但常常與翟威廉、周志文等一齊開直播Jam歌，識得自彈自唱，所以上台唱歌相當輕鬆。
睇片：https://youtu.be/kBG11QP6fi8
(劉佩玥 instagram)
樊亦敏
樊亦敏把聲好柔情，唱《再坐一會》得到網民一致讚好：「唱得唔錯，尤其2段獨白有感情！」、「估唔到佢唱得咁好聽呀！臥虎藏龍」、「so surprise ! She got a beautiful voice.」。
睇片：https://m.youtube.com/watch?v=Ux_ABfh26Jc
(TVB電視截圖)
林淑敏
林淑敏曾獻唱《飄雪》，此首歌本身由陳慧嫻唱已經有難度，好考功夫，但她居然可以唱出一定水準，網民紛紛讚好：「唱歌又幾掂」、「把聲又幾好聽喎，可以唱埋劇集歌」，如果改善換氣聲會更上一層樓。
睇片：https://youtu.be/ob9Ekh8y22o
(TVB電視截圖)
馬蹄露
馬蹄露曾唱《願君心記取》，結果被網民激讚多才多藝：「原來佢唱歌咁好聽！」、「有驚喜，唱得好好，有90分」、「我本人一直認為香港人唱歌最好聽嘅，馬蹄露唔例外」。
睇片：https://youtu.be/rw_3WzcU4LY
(TVB電視截圖)
撰文：張芷晴