現年67歲嘅李龍基唱而優則演多年，早已是TVB御用皇帝，之前《宮心計2深宮計》中飾演唐玄宗李隆基父親李旦令人記憶深刻，演戲之外，佢都一直有唱歌，最近更準備同葉振棠、陳浩德等再合體開騷，大展歌喉！李龍基唱得又演得，加上年輕時生得眉清目秀，有「酒廊王子」之稱，真係吸引唔少女士鍾意，所以情史都幾豐富，有過兩段婚姻，你哋又知唔知呢？
相關新聞：【牛下女高音】黑妹頸椎有腫瘤再確診肺癌 急切肺葉保命 抵抗力差生蛇
(圖片：《流行經典50年》電視截圖)
(圖片：李龍基微博）
（圖片：網上截圖）
李龍基後生係做工程師，70年代結第一次婚，同前妻育有三個孩子。當時佢想唱歌方面發展，於是成日到酒廊唱歌，的確搵到唔少錢，於是佢開住架保時捷周圍去。佢又自認以前花心、多情，做過對唔住前妻嘅事。李龍基話：「年輕時脾氣太臭，我以前好難遷就別人，唔識體諒另一半嘅感受，完全覺得自己啱晒，所以咪失敗。」不過慶幸而家同前妻已經冇仇恨，李龍基間中都會同三個仔女飲茶，又有兩個孫女陪佢。
李龍基與太太恩愛出席朋友聚會。(網上圖片)
前歌手李蘢兒（現名：李宜錚）初岀道時經常被人誤會佢係李隆基個女，更引起大眾討論，後來已證實係傳言。直到後來李龍基先遇到現任太太，當時太太只得20歲，李龍基大佢27、8歲，稱得上係父女戀。二人當時喺香港的泳池認識，李龍基同佢傾咗幾句，之後又喺麥當勞見到佢，覺得有緣於是交換電話。之後先得知原來太太係大陸人，所以唔知李龍基係藝人，後來佢哋拍咗四、五年拖，先決定結婚。因太太是內地人，最初不方便來港長住，李龍基為遷就太太，98年已遷到深圳居住，更在當地落地生根，現在於福田區擁有多個物業收租，稱得上「樓王」，可以輕鬆嘆人生。
相關新聞：區瑞強懷舊念舊而不守舊 難忘與張國榮相識至爭歌點滴
李蘢怡剛出道時，曾被誤會是李龍基的女兒。(圖片：李蘢怡微博)
（圖片：李蘢怡微博）
（圖片：李蘢怡微博）
李龍基愛妻心切，想買多啲樓為太太留個保障，他説：「我一定比她先走，大吉利是若果我搵不到錢，或者走先一步，都有樓保障佢生活無憂。我哋結婚28年，我深信自己眼光沒錯。有啲人話唔信大陸女人，但我覺得世界各地都有唔好嘅人，都會有值得你信任嘅人。」
撰文：羅慧怡