秋涼嘗原個椰子燉湯潤一潤

飲湯都講trend，今時今日，最hit一定是椰子燉湯。炮台山新開的椰子燉湯專門店，以原個椰子做盛器，連同椰水、椰肉及食材，炮製足料燉湯。近來天氣乾燥，來飲個椰子湯滋潤一下。

「椰粉湯紅」舖頭細細，以外賣為主。店主曾生在內地、台灣飲過椰子燉湯，覺得湯水既有椰子香甜、又嘗到食材原味，一飲愛上。

主角椰子來自東南亞，每星期來貨3次，專揀大size老椰子，才放得下湯水及材料，個個重1.2至1.3kg，拿起來感覺墜手。為保鮮味，椰子在做燉湯前，才以特製機器在椰子頂部開洞，撬開後，倒出椰水過濾；然後將椰子沖洗，再挖肉，飲湯時方便品嘗到絲絲椰子肉。「椰子燉湯每天店內鮮製，個個燉最少4個鐘。最難控制是湯水的甜度，我們會將椰子水略為調味，亦按湯水款式控制椰子水分量，免得湯水過甜，蓋過其他食材味道。」曾生說。

加錢配主食

小店有8款椰子燉湯，趁秋涼特別推出「椰皇海底奇兵」、「椰皇滋潤三寶」兩款新湯。稱得上海底奇兵，材料有海星、海馬、海麻雀、海底椰等，帶鹹鮮味，可順氣化痰、清潤止咳。另一款用上蘋果、木瓜、秋梨、川貝、排骨等，簡簡單單，充滿果甜。

招牌作椰皇佛跳牆，內有紅螺頭、原粒日本瑤柱、南非鮮鮑、日本花菇、素翅、三黃雞、豬軟骨等，超足料，湯色淡黃清澈，啖啖鮮甜。飲湯兼食湯料，應該飽了大半，若嫌不夠喉的話，每款燉湯還可加錢配主食、蔬菜、配菜（加$8-$23），就連特飲、甜品都有，選擇豐富。

椰粉湯紅

地址︰北角炮台山麥連街1A號寶榮大廈地下I號舖

電話︰2242 6388

營業時間︰星期一至六11am-9pm，星期日及公眾假期休息

編輯︰魏雋

美術︰顏玉玲