全新市集登陸D2 Place 睇最紅匠人原創作品

黛安平時會去D2 Place行市集，聽講佢哋今年新鮮出爐「我最撑市集」嘅白紙市集及「我最撑匠人」冠軍Johnee（Galaman）一齊打造全新主題－「便是市集」，將會喺今個星期六日（16至17日）舉行；到時會有Johnee全新設計嘅角色，並設各種相關有趣小遊戲，以及其他手作人嘅心血作品。

行市集總是驚喜無限，好似D2 Place呢個市集，就會有全職字畫創作家練黑龍嘅作品，佢嘅書法同書畫好獨特㗎；另外仲有My Mind呢個品牌，「伊恩兔」係佢哋嘅角色，代表每個人心中隱藏嘅幸福；而Upcyco.co就係以回收被廢棄皮革做原材料設計新產品嘅品牌，佢哋一向本住物盡其用、創新、愛護環境精神去創作，好有意義啊。D2 Place市集咁多好物，放假記得去行下啦。