「馮堅成，曼聯又輸一場喇！」這句對白其實是在晚間新聞時段，新聞主播交棒給前無綫體育主播馮堅成時所講的一句說話，沒想到成為在網絡熱爆的一句對白。馮堅成擔任新聞工作超過22年，7年亞視，15年無綫，2016年離開無綫後，轉行擔任網台的足球和籃球評述員。
相關新聞：【無綫主播】56歲李燦榮變白髮中佬？ 被無綫裁員進修博士成大學講師
(圖片：守下留情 X 亨恒勤一 專頁Facebook)
(圖片：馮堅成Facebook)
馮堅成接受香港電台《守下留情》的訪問，堅成表示4歲跟家人由大陸來香港生活，家中一姊及弟妹，合共一家六口居住在墳場邊的木屋，由於近石澳和大浪灣一帶，所以小時候的娛樂就是在山邊走來走去，所以養成自己愛跑步和運動。馮堅成在珠海書院讀新聞系，黃毓民是他的老師之一，一邊讀書一邊在亞視做兼職賺學費，故畢業後就加入亞視新聞部做記者。他笑言：「讀書時見到好多記者可以免費睇波，好近見到球員，真係好正！所以大個入咗行可以去做採訪就好開心。」
(圖片：馮堅成Facebook)
(圖片：馮堅成Facebook)
(圖片：馮堅成Facebook)
馮堅成在亞視新聞部工作七年，伍晃榮在麻雀枱上直接向亞視高層要求挖角，馮堅成在訪問中透露一向視伍晃榮是恩師，因為轉投無綫之後一直做伍晃榮的左右手，乘機偷師，堅成說：「我好想學佢風格，真係好搞笑同抵死，我試過學，不過唔得，有啲不倫不類咁，所以我最終都係決定做返自己。伍晃榮教我好多，但冇乜鬧我，鬧得最多係伍家謙，點解？因為愛囉！錫佢先鬧佢、袋錢入佢袋，真係好錫佢。」而馮堅成懷念當年伍晃榮的霸氣，他說：「體育新聞3分半至4分鐘，大家知唔知新聞收視永遠就係最後呢幾分鐘就飆升？絕對係品質保證，有時候主編話要CUT幾秒，佢都會發脾氣，拍枱鬧人話：『體育新聞唔係新聞呀？』佢份堅持真係好勁，我哋就冇辦法，因為伍晃榮江湖地位同我哋差得遠。」
相關新聞：89歲朱維德仍然中氣十足 第一代旅遊達人繼續帶團遊山水
(圖片：馮堅成Facebook)
(圖片：馮堅成Facebook)
(圖片：馮堅成Facebook)
提到離開體育新聞界，馮堅成直言耿耿於懷，他說：「其實到依家我都未放得低，因為體育新聞正係喺我手上消失，由3分半愈減愈少，所以我最後就走咗。」堅成遺憾的是22年來從未採訪過奧運會，他笑言：「一次係亞視，做好晒西裝同工作證，但由於我快將要過檔，上司懷疑我會搞破壞，最後唔畀我去。後來到無綫，伍晃榮一句：『你走咗咁我點呀？』所以就留喺香港幫佢手，之後北京奧運全台幾乎去晒北京，我要留低看檔，一個人望住28個熒幕，真係睇到頭都暈。」
他直言一向都不喜歡穿西裝，當年報新聞都只是換上半身西裝，下半身是波褲，現時自由身可以輕鬆得多，提到擔任足球評述員，他說：「其實好多要適應，同以前新聞報道，說話節奏要快好多，慢慢愈做愈順。」
撰文：楊安莉