2009年港姐冠軍為劉倩婷、亞軍是李姿敏、季軍是熊穎詩，最上鏡小姐則是袁嘉敏。但其中一位佳麗林潔瑜比起幾位魏獎佳麗更加搶Fo，事關當年參選時，佢嘅外貌被批評到體無完膚，甚至指佢似「女版許愿」。不過一眾網民就惡搞將佢捧成大熱門，令佢忽然「走紅」。
各花入各眼，但自信絕對係100分！（東星娛樂）
真‧許愿（東星娛樂）
而林潔瑜對批評同埋讚賞都欣然接受，2017年仲作為「過來人」為同佢同樣受盡輿論壓力嘅師妹雷莊𠒇喺Facebook留言護航：「一個女孩子，每天面對四面八方的辱罵嘲笑，歷時達三個月之久，對整個自我價值觀是一個前所未有的衝擊。不是一句食得咸魚抵得渴，便能自圓其説。」希望大家可以多啲包容雷莊𠒇，EQ之高真係入娛樂圈嘅好材料。
當年成日畀網民改圖戲謔。（網上圖片）
雖然每到港姐選舉仍有網民提起林潔瑜，但佢就冇再喺娛樂圈打滾。2013年佢已經嫁咗人，仲幫老公打理健康中心生意做幸福人妻，成日都見佢同老公周遊列國，大曬恩愛。
（林潔瑜Facebook）
（林潔瑜Facebook）
佢曾經講過唔覺得自己似許愿，又指自己預咗畀人話醜，覺得港姐image唔啱自己。佢又指冇後悔過參選港姐，認為係一個好好嘅經驗︰「選港姐令我經歷一啲風吹雨打，問問自己嘅價值觀是甚麼，面對唔同嘅評撃，我會喺過程中問我自己係邊個。去面試就預咗俾人改花名，其實年年都係咁，唔會有好多人記得你。」
依家嘅林潔瑜仲會去到唔同嘅小學、中學佈道，佢強調自己係一個普通師奶，但係係一個美貌與智慧並重嘅師奶。（林潔瑜Facebook）
有愛情滋潤嘅佢愈嚟愈靚！（林潔瑜Facebook）
有網民讚佢依家似關秀媚！（東星娛樂）
撰文: 黃蘊姿