【聲明】港生活網站並無進行電話推廣活動

《多功能老婆》零宣傳 王梓軒撑劇情感人唔擔心收視

發佈時間: 2019/11/19

由楊千嬅、周柏豪、黃浩然、陳煒及王梓軒等主演的台慶劇《多功能老婆》,將於下周一播出,但受近日社會氣氛影響,劇集至今仍未有任何造勢活動。有份演出的王梓軒昨日接受商台訪問,坦言收視無人能控制,但相信劇情能感動大家。

提到《多功能老婆》原定日前有大型宣傳活動,但因局勢影響而取消,至今仍未有新的宣傳活動,問王梓軒會否擔心收視受影響?他說︰「我深信劇情感動到人,個劇本寫得好好,只要觀眾有心情睇,都會對故事動容。做娛樂圈就要帶好嘅情緒畀大家,一個心情嘅出口,收視都無人控制到,亦無得擔心。」預計下周劇集首播當天會有宣傳活動,他會盡量調動工作配合。

驚下月無得開騷

另外,王梓軒將於下月20及21日假會展舉行音樂會,提到近日不少音樂會因應社會交通情況取消,他坦言十分擔心無得開騷︰「話唔驚就呃人,雖然有冒險,但係有好多人參與我個騷,我哋嘅信息關於同行同感恩,為咗傳達信息,冒險都值得,雖然驚但都要堅持。」他表示會盡量確保觀眾安全,所以當晚音樂會將提早於晚上7時15分舉行,亦會準備臨時安全措施。是否「風雨不改」?他說︰「除非影響大眾安全,我哋絕對唔會犧牲觀眾安全,其他唔方便就盡量克服,但會以觀眾安全為先,唔會冒險。」他透露邀得衛蘭、衛詩,以及慈善團體的朋友,屆時60人在台上唱福音歌曲,為觀眾帶來正能量。

採訪︰Pauline

編輯︰李潔盈

美術︰梁政敏

攝影︰林良明

王梓軒在《多功能老婆》中,與陳煒大玩姊弟戀。