周華健對上一次發表專輯已經係2013年,喺歌迷已經餓咗好耐嘅情況下,佢宣布嚟緊12月將會發表全新唱作專輯,新碟同以往唔同係佢指自己會以「真面目」見人。
新專輯概念係「比較年輕的我-周華健」,最吸晴嘅地方係周華健搵埋阿仔周厚安加入專輯拍攝,周厚安雖然同為演藝圈嘅人,不過唔想靠「父蔭」嘅佢好少同爸爸同場工作,所以今次父子檔上陣認真令人期待。
周華健Facebook
周厚安冇跟爸爸一樣做歌手,但就喺台灣拍劇做演員,喺美國紐奧良大學戲劇系畢業。媽媽康粹蘭係美國人,周厚安除咗遺傳阿媽深邃嘅輪廓之外,外形都非常早熟,加上周華健又非常襟老,多年嚟都冇乜點變,周厚安早年已經畀人話佢個樣同老竇年紀差唔多咁。
阿仔留咗一頭長髮同濃密鬍鬚,成熟到睇落同老竇似兩兄弟多啲。(大會提供)
父子感情超好!(大會提供)
周華健話原本以為父子檔上陣拍攝時會怕醜,冇諗到佢哋默契如多年冇見嘅好朋友,令攝影師拍出大量「有感情」嘅相,因此唱片公司決定另外加碼印製「父子寫真集」作為新專輯預購版。周華健都表示對呢個「寫真集」好滿意:「我只聽過婚紗寫真集,沒聽過父子寫真集,但看到作品時真的很開心,當年厚安出生時我寫了《親親我的寶貝》這首歌送給他,沒想到30年後我們竟然拍了這個父子寫真集,我相信當我老婆看到,一定會非常喜歡,笑得合不攏嘴!」
周華健全家福(網上圖片)
有型外國版周華健,成件事好Amazing!(大會提供)
29歲周厚安雖然冇爆紅,但拍攝過多部影視劇,之後又積極轉型幕後成為編劇同導演,唔靠老竇名氣呢一點都非常可敬!(《五星級魚干女》劇照)
雖然外表完全係一個洋人,但喺台灣長大嘅佢講到一口流利國語,係一個地道台仔!(周厚安Facebook)
周華健家教都非常好,佢教導阿仔學習多啲唔同嘅事物,同佢講佢唔係50%美國人同50%華人,而係100%美國人同100%華人。(周厚安Facebook)
撰文: 黃蘊姿