赴台拍MV MIRROR互爆壞習慣

男團MIRROR日前成軍一周年，除推出新歌《Reflection》外，經理人花姐（黃慧君）更拉大隊到台灣拍攝MV。今次MIRROR 12位成員首次一齊出trip，所以他們猶如去旅行般興奮，到埗當晚更一起吃火鍋，令為食的姜濤十分滿足。提到出埠難忘事，成員Jer（柳應廷）說：「原來大家都好瞓得，好快瞓着。呢個技能係必須，一有空閒就瞓着，爭取休息時間。」

至於成員Ian（陳卓賢）則大爆同房的副隊長Anson Kong（江熚生）的小秘密：「原來AK瞓覺會磨牙，我預咗佢一定會扯鼻鼾，但無諗過扯鼻鼾同磨牙會打孖嚟，佢連瞓覺都咁嘈，搞到我都無乜點瞓！」