【情路坎坷】斑斑為醫男友罕見腫瘤傾家蕩產 66歲單親媽盼囝囝出身放低擔子

樂壇長青姊妹花森森斑斑出道多年，至今仍活躍於娛樂圈。森森1992年再婚澳門商人王宗德，之後移居澳門，但就算兩姊妹已各有家庭，關係仍好親密，常飛去外地登台唱歌。相比家姐再婚後做幸福少奶奶，斑斑情路就坎坷得多。她做了10幾年單親媽，努力撫養與前夫惠天賜所生的囝囝惠建豪，但就沒考慮再婚。不過對斑斑來說，一生中最難以忘懷的可能是同羅石青的一段情，當年他難忍癌病折磨，選擇跳樓輕生，令斑斑大受打擊。

相關新聞：森森後生靚絕曾迷倒鄭少秋 前夫軍事式教仔 再嫁終覓幸福

{{hket:inline-image name="67c32051gy1fyrl0ebka0j20qo0yxwms.jpg"}}{{/hket:inline-image}}

（微博圖片）

{{hket:inline-image name="67c32051gy1ftq355ufkjj20q30o0453.jpg"}}{{/hket:inline-image}}

森森斑斑感情好好。（微博圖片）

斑斑同羅石青一齊過7年，時間不算短，感情好深厚。羅石青煮得一手好菜，又很遷就斑斑，得閒就請朋友到屋企食飯，日子過得好開心。惜好景不常，羅石青發現食道外近大動脈有一個腫瘤，做唔到手術，但他又不願做化療，身體愈來愈差，腫瘤頂着食道，把聲沙啞，又食唔到嘢，令斑斑非常擔心。

她四處幫男友找醫生，為醫他的病傾家蕩產，仲向家姐森森同姊夫借錢。斑斑買過一萬元一枝藥，羅石青食完病情有好轉過，但之後又唔樂觀。腫瘤後來擴散得愈來愈嚴重，羅石青最後選擇跳樓輕生，斑斑說：「真係好似做戲咁，佢趕我走，叫我唔好再去探佢，叫我識過第二個，我唔肯，仲係天天去探佢。佢跳落嚟嗰日，有個藝人結婚，我好早就起身，準備做姊妹，之後我收到警察電話，先知呢個噩耗。」

{{hket:inline-image name="26s000008qpn572soo3n.jpg"}}{{/hket:inline-image}}

羅石青（網上圖片）

羅石青被發現墮斃時，手中還捏着斑斑寫給他的卡片，可見他很不捨得女友。斑斑後來花了一年時間先平復到痛苦，但一拎起羅石青張相，都會喊到收唔到聲。

{{hket:inline-image name="gvcc.jpg"}}{{/hket:inline-image}}

斑斑後生時好靚女。（微博圖片）

幾年後斑斑重新振作，並同惠天賜結婚，二人育有一子，可婚後5年都係離婚收場，斑斑成功爭取兒子撫養權，而惠天賜則於2012年在北京寓所猝死。斑斑獨力養育兒子10多年，阿仔仲有一年就大學畢業，總算叫做就快出身，斑斑的擔子終可好好放低。斑斑同阿仔朝夕相對，她其實都想搵返個伴，但強調緣分冇得強求：「有時都會覺得寂寞，但好在我有好多朋友，有時咪叫個仔陪我睇場戲。」

{{hket:inline-image name="56174916_10157307942699273_3658789030650183680_n.jpg"}}{{/hket:inline-image}}

依家得閒就同家姐去旅行享受人生。（Facebook圖片）

撰文：羅慧怡