從影41年嘅錢小豪當年一出道即憑擔正《飛狐外傳》爆紅，當年進入邵氏電影訓練班只係兩、三個月就被張徹導演睇中，連藝名「錢小豪」都係對方所改。錢小豪先後為邵氏電影公司及嘉禾電影公司等等演出超過90部影片，同林正英、許冠英合作主演嘅「殭屍」系列非常深入民心。
（網上圖片）
早年都係拍動作片居多嘅佢後來逐漸轉型嘗試演出其他風格嘅角色。後來香港電影業冇早年咁蓬勃，再加上牽涉一宗桃色醜聞令佢人氣大不如前。
（東星娛樂）
1990年錢小豪同郭秀雲在澳洲秘密結婚，冇耐生咗阿仔。可惜婚姻只維持了不足三年，兩人分居並離婚。93年離婚時，大仔龐景峰（Andrew）只有幾歲，之後一直喺外國生活。見證唔到大仔成長，錢小豪一直感到遺憾。隨住阿媽改嫁，龐景峰曾四度改名，外界曾經以為龐景峰對爸爸怨懟，但其實改名係媽媽郭秀雲嘅主意。
（Andrew IG）
（Andrew IG）
Andrew不但止冇怨恨錢小豪，仲一直當正爸爸係「超級英雄」，而錢小豪好忙冇時間陪Andrew，Andrew就好喜歡睇爸爸嘅電影，就算分隔兩地，都靠電影Connect父子情：「細個睇Daddy嘅戲，覺得佢似孫悟空，簡直係超人。大學時修過演藝科，鬼佬教授播過Daddy嘅動作戲做參考同研究，我好開心，嗰種感覺難以解釋。」
（Andrew IG）
血濃於水，Andrew記得嘅童年逸事都係美好嘅，佢記得第一個教佢踩單車同游水嘅都係爸爸。爸爸經常叫佢大膽啲同要對自己有信心，錢小豪對佢影響之深令到Andrew都踏上咗武打演員之路。
左起：Andrew、錢小豪、Andrew同父異母弟弟（Andrew IG）
同典型嘅爸爸一樣，錢小豪對好多事都唔會宣諸於口，對阿仔佢只係建議要學多啲唔同技能，畀人知道他的身手，又話自己比較嚴格，唔會讚出口：「希望佢少說話，多實幹，要謙虛。我沒有親自訓練他，畀佢去特技人公會學、跟阿叔（錢嘉樂）學，嘉樂係會長嘛。對於拍電影，我冇畀佢fantasy，把太多東西給他是一個包袱，希望他靠自己。」
Andrew（右）與阿叔錢嘉樂（Andrew IG）
撰文: 黃蘊姿