近日李璨琛榮升導演，為電影《大盜演》開工，演員陣容方面，除了有秦沛和姜文杰父子檔之外，還有戲劇大師詹瑞文、金像獎影后曾美慧孜等，不過他都樂於用新人，如唐貝詩、余曉彤、湯加文、鄭詠謙等。鄭詠謙其實在電視圈不是新人，加入無綫已經有11年，以往除了在《放學ICU》主持外，更在多個劇集演出，不過大多數都是小角色，最令人印象深刻的是《大帥哥》入面飾演金堅副帥。
鄭詠謙接受《晴報》訪問，他表示非常榮幸得到拍攝電影的機會，他說：「今次有真正的角色，而且角色係有後續故事，導演話有機會繼續拍落去，仲有可能拍外傳，我真係好開心。」
相關新聞：《金宵大廈》方紹聰又殺人變大台御用變態佬 做9年配角曾為養家兼職揸貨車
(圖片：鄭詠謙IG）
（圖片：大會提供）
（圖片：大會提供）
（圖片：受訪者提供）
（圖片：受訪者提供）
鄭詠謙小時候是小康之家長大，後來家人理財不善，導致家裡經濟陷入困境，很艱苦才捱到中學畢業，他決定出來工作。入行前鄭詠謙是社工助理，在社區中心和Band 3學校駐校，他說：「如果冇做藝人，我應該會係社工，不過好難，我坐唔定，好百厭！」隨後，鄭詠謙投考電視藝員訓練班，他說：「初初入行得17歲，收入一定唔多，我有四兄弟姊妹，哥哥自己有頭家，二哥都成家，後來上咗天堂，我排第三，個妹仲讀緊書，所以我唔可以靠爸爸媽媽，自己一邊做演員一邊搵兼職。」
他表示曾經接過演唱會搭台的工作，搬搬抬抬或者打釘，每次收工滿手都長繭，他說：「真係好辛苦，有時搬嘢好攰都做到忍唔住喊，諗到底為緊啲乜呢？不過喊完就吞咗佢，頂硬上，為自己夢想同養家，繼續努力。」
相關新聞：《愛回家》少欣與看更昌哥相戀 李嘉自揭20歲真「長髮」look
（圖片：《放學ICU》電視截圖）
（圖片：受訪者提供）
（圖片：《大太監》電視截圖）
他表示在TVB十年間學習最多的就是向同事和前輩們偷師，他說：「細個睇節目好開心，大個變咗做兒童節目主持，同細個睇開嘅譚玉瑛姐姐同蓋世寶姐姐一齊工作，感覺好奇妙。我拍劇又識到唔同人，好似翟威廉語言能力好叻，李嘉師傅學武術，我就逐一偷師，互動之間又識到啲人情世故。」
機會是留給準備好的人，鄭詠謙的努力沒有白費，他在《大帥哥》入面飾演的金堅副帥獲得張衞健的讚賞，他說：「做完場對手戲，Dicky哥同我講：『做得好好，好放鬆好享受，好有感覺！』，得到偶像讚美同認同絕對係一個肯定。」
今次《大盜演》面試時，導演說看過他演戲，聽到名字就已經選上，證明他在TVB默默耕耘是沒有白費，他期望將來可以更加努力，有更多作品讓觀眾睇到，能夠在電視或者大銀幕發光發熱。
（圖片：《大帥哥》電視截圖）
（圖片：《大帥哥》電視截圖）
(圖片：鄭詠謙IG）
（圖片：受訪者提供）
撰文：楊安莉