李燦榮自小便夢想成為新聞主播，努力讀書進修後加入無綫新聞部，如願報道了1997年香港回歸這歷史性時刻之新聞，彷彿一切都按照人生規劃去進行，所有的變化都掌握在手入面。正當李燦榮以為主播是他終生事業之際，2004年有一日收到無綫的「大信封」，他成為了裁員名單中的一員，人生因而改寫。
相關新聞：【無綫主播】56歲李燦榮變白髮中佬？ 被無綫裁員進修博士成大學講師
(《晴報》圖片)
眼前一頭白髮的李燦榮正是當年的新聞王子，沒有新聞報道中的古板，反而說話裡充滿自信和熱忱，他說：「中學時一次我睇新聞，見到蘇凌峰報道新聞，我突然諗呢個人應該係我1997年嗰位，自此之後由中學直至1997年間，我冇一日懷疑過，後來我去浸會大學讀傳理系，再去TVB實習，實習完之後去亞視工作，因為我知道寧為雞口，勿為牛後，幾多人唔睇都好，一定有一個電視台會睇，就係TVB，我一直等到1994年，佢哋請咗我，我就知道1997年一定係我。」
當年香港回歸的新聞，李燦榮與電視機前的香港人一同見證，李燦榮視此為事業的高峰，可惜好景不常，2004年收到公司裁員的噩耗，他說：「當日放假，我突然收到電話叫我一定要返去，當時我拎埋十年金牌，對我嚟講係一個很無情嘅決定，當時係我人生低谷，我冇問點解，反而諗歷史點解要我走到呢步就停？原來我希望影響到一代人，所以我返大學讀碩士同博士，轉移生命軌跡去學管理，咁我就成為顧問同培訓師，我就知道我條路原來係咁嘅意思。」
(圖片：李燦榮微博)
(圖片：李燦榮微博)
(圖片：李燦榮微博)
(圖片：李燦榮Facebook）
(圖片：李燦榮Facebook）
(圖片：李燦榮Facebook）
「天下人都感到驚嘅時候，我都不能夠驚，泰山崩於前而不驚 ，就係我要學。」李燦榮認為門關上了，起碼仍有一扇窗，人不是接受失敗，而是學習失敗，從失敗中學習，他說：「面對任何人生困境，你只需要諗如何揹起天下，而唔係天下如何幫你。」
失業的同時面對負資產的衝擊，他主動找到做電台的曾智華，希望可以客串節目，慢慢認清自己的路，再重新出發。「由當年到今天都沒有改變過，任何時候我都學習緊。方東昇曾經問過我一個問題：『你覺得周圍包括新聞部都好複雜嗎？』我答佢一句，佢仲抄低咗，我話：『你有你複雜，我有我學習。』」
(圖片：李燦榮Facebook）
(圖片：李燦榮Facebook）
(圖片：李燦榮微博）
方東昇的押韻金句加「爛gag」使他成為少數能夠跳出主播枱框框的人，原來李燦榮算是啟蒙者，他說：「其實唔係金句啟蒙咗佢，係成個節目啟蒙咗佢。我記得有次我同佢講，新聞唔係咁做，新聞做嘅係『甚麼？』，要搵出答案，我當時舉個例子，睇吓不丹，點解不丹人咁開心，如果淨係睇收入，佢哋同香港人差好遠，係咪應該報道呢啲地方呢？後來一年後，佢就有《世界零距離》呢個節目到訪不丹。」
相關新聞：全城力撐《長命百二歲II》 方東昇爆紅搞笑背後大起底
（圖片：TVB《世界零距離》大會提供)
李燦榮認為好多生活上的問題，其實就好似中國陰陽五行一樣，相沖相剋,他說：「記住無論任何情況都唔會得到所有人嘅心，放下，有啲人係無論如何都冇辦法得到。我諗依家當你問每個人未來喺邊度，應該冇咩人答到你，但如果你問我，我好簡單，改變自己思維。放在你面前的餐單，無論你揀咗咩，可能唔完全係你心目中所諗，但我哋一定要知，無論揀啱定錯，你都有下一步可以重新去揀。」
「對好多人嚟講，我係中年再起步，如果你問我，我的實質年齡已經不重要，我的心靈年齡永遠停留在34歲，亦即係1997年我自己的高峰，所以在任何年齡，我都能活化，去適應這個萬變的世界，記住忘記自己真實的年齡，進入年輕的感覺，這才是我們永恆長生的道理。」
(《晴報》圖片)
(《晴報》圖片)
撰文：楊安莉