【御用奸人】戴志偉捱足30年唔識擦鞋被冷待 離巢撈保險風生水起即變富豪？

最近TVB深夜重播《律政新人王》，在這套16年前的電視劇中可見到不少熟悉的身影，例如已離巢、被稱為無綫「御用奸人」的戴志偉。提到「戴志偉」，大家可能會諗起日本漫畫《足球小將》；而同名的資深演員戴志偉，曾飾演《新紮師兄》「張家明」、《創世紀》「許文坤」等經典角色。為TVB服務30多年的他，就算只是綠葉角色，仍會用心去演，卻在2011年換來一句「唔夠騷」，黯然跟無綫結束賓主關係，轉行做保險，現只會偶爾客串過戲癮。

{{hket:inline-image name="jhgg.jpg"}}{{/hket:inline-image}}

《律政新人王》演檢控官。（影片截圖）

{{hket:inline-image name="hv.jpg"}}{{/hket:inline-image}}

（影片截圖）

相關新聞：高俊文做TVB綠葉因誤會捱足40年 離巢做保安吊命 為咩撐下去？

戴志偉笑言年輕時喺政府水務局做抄表員，有日行街被星探發掘。首套拍攝的電視劇為《老虎魚蝦蟹》，後來公司執咗，他就變「雙失」，惟有拎住支結他去民歌餐廳唱歌，不過收入都唔錯。戴志偉在1981年參加TVB藝員訓練班，同影帝劉德華、梁家輝等同期，出演過很多令人印象難忘的奸角，亦因為咁被封為「御用奸人」，後期先開始演出正派上司的角色。

{{hket:inline-image name="cWGTU5RbnNOLwiYS94TtIZePRrb3y9f0S6UjpUulI6U.jpg"}}{{/hket:inline-image}}

《刑事偵緝檔案IV》總督察「邱彼得」。（影片截圖）

{{hket:inline-image name="esDrG7TMom073BbOHaVUA4qgTcBfDH8yT5LWpU-S1qU.jpg"}}{{/hket:inline-image}}

（影片截圖）

拍劇拍足30幾年，戴志偉深知單做演員無法維生，他很懂得為未來打算，所以Keep住有做幾份工。戴志偉本身識唱歌，初入TVB時他仍會在外面唱歌賺錢，知名度提升咗之後，開始有得拍戲，但他亦有繼續唱歌、拍電影，3樣嘢一齊做，80年代又做過地產生意。

不但如此，戴志偉1999年已投身保險業，邊拍劇邊靠賣保險賺錢。他在保險界也甚有名氣，試過9次達成MDRT（百萬圓桌會）指標。因此戴志偉在無綫並非為錢，純粹是喜愛幕前演出。可惜滿腔熱誠未有相應回報，當時曾令他忿忿不平，他說：「每個人際遇唔同，自己都有弱點，唔識叩門、唔識擦鞋打交道，係蝕底架啦，但我問心無愧。」

{{hket:inline-image name="bbbb.jpg"}}{{/hket:inline-image}}

戴志偉演得又唱得，多才多藝！（影片截圖）

戴志偉2011年離巢轉做保險長工，做埋分區高級經理。投身保險業多年，他專做大陸客，收入唔錯，加上2個仔已大學畢業投身社會，生活完全冇負擔。戴志偉得閒就去吓旅行、打Golf、跑步、踢足球，好梳乎，近期又計劃在大陸買樓投資。

{{hket:inline-image name="TUNGSTAR2292795.jpg"}}{{/hket:inline-image}}

（東星娛樂）

撰文：羅慧怡