與楊怡造人未成功 羅仲謙樂做廿四孝女婿

羅仲謙、張曦雯、韋家雄等劇集《木棘証人》演員，前晚為節目《娛樂大家》擔任嘉賓。謙仔早前被拍到接載外母到街市買餸，被讚孝順之餘，更被追問與楊怡造人可有好消息。

玩「狼人宮廷版」時，謙仔笑言不懂講大話的優點全世界都知，因此表現很差，他笑說︰「我希望抱住單純嘅心，無乜機心去玩遊戲。之前綵排佢哋個個講大話都好叻，我就一係過度興奮、一係過度心虛，好容易被察覺。」

多同老婆相處

對於充當司機接載外母到街市買餸，謙仔說︰「應該要做嘅，呢啲係責任，因為大埔我熟啲，可以嘅話都會做司機。」早前該區道路被堵塞，他和楊怡可有被困大埔？他笑說︰「無被困，OK嘅，可以多啲同老婆相處。（努力造人？）大家都辛苦，為生活頻撲，做人都係辛苦，造人就隨緣啦，你估後生仔咩，拖下手仔都會有，我哋呢啲唔得喇！」在旁的張曦雯聞言笑稱，她也努力做人，不過是努力為新劇《踩過界II》到盲人中心上堂，學習做盲人，主要學習凸字及如何使用拐杖。

撰文︰Pauline

編輯︰黃卉彤

美術︰梁政敏