近日鍾麗淇接受傳媒訪問時提到人生中一定會有低潮，認為做人要不怕面對，最重要是懂得爬起身。提到低潮，鍾麗淇就試過被前度梁榮忠出軌背叛，捱過傷痛後終與混血老公拉埋天窗，現時用心照顧患罕見疾病的囡囡，做個好媽媽。至於曾被千夫所指的梁榮忠，現在生活又如何？
▼梁榮忠已屆55歲，近照被網民指蒼老不少
(instagram截圖)
梁榮忠畢業於演藝學院，1993年在《唐伯虎點秋香》與周星馳演出爭入華府賣身葬全家一幕，至令仍讓人津津有味。後來梁榮忠因多才多藝受TVB力捧，在《刑事偵緝檔案》系列飾演義仔，先在第1、2輯跟著大勇陶大宇查案，有勇有謀，得到不少觀眾留意。第3輯，梁榮忠跟鍾麗淇成為一對，更假戲情真，現實中都成為一對。直到2005年，口才出眾的梁榮忠與李克勤在《殘酷一叮》點評參賽者，對答抵死啜核，之後他在香港小姐競選、台慶等大騷都有份主持，前途原本一片光明。
(電影截圖)
(TVB電視截圖)
(TVB電視截圖)
就在事業愛情兩得意之時，梁榮忠2005年背著鍾麗淇，跟朱慧敏在車廂偷情。事件曝光後，梁榮忠欲找鍾麗淇箍煲，當記者上前訪問，梁榮忠就指自己壓力很大：「呢件事後知道邊啲係真朋友邊啲唔係...我唔係要逃避，呢個係美麗嘅錯摸。」
梁榮忠叫記者不要騷擾鍾麗淇，又用學生作比喻：「相信任何一對戀人都會遇到風波，今次係大風波...自己咁多年工作上冇犯錯，今次人生路上的確做錯咗啲事，記咗個大過，呢件事係永遠喺自己紀錄入面，我自己好似學生咁讀緊書，睇校監會唔會踢我出校，睇吓校監係咪通情達理，校監幾時畀學生順利上堂，都要畀時間去諗，你哋都畀啲時間我，被內部處分咗先。」
(TVB電視截圖)
事後，梁榮忠同朱慧敏劃清界線，然而仍未能修補與鍾麗淇的關係，最終分手收場，形象更一落千丈。不過梁榮忠趁着這段時間取得演藝學院戲劇學院藝術碩士、中文大學文化管理碩士，是娛樂圈中罕見的雙碩士藝人。畢業後梁榮忠全力投身舞台劇工作，擔任編劇、導演、戲劇導師，曾獲提名最佳導演，同時亦創作出多部舞台、電視、電影、廣播作品，得到「最佳微電影編劇獎」、「最佳微電影製作大獎 - 銀獎」。
直到上年，TVB重播《刑事偵緝檔案》系列，梁榮忠再次人氣急升，今年參加微電影比賽獲得「最佳微電影編劇獎」、「最佳微電影攝影獎」、「最佳微電影製作大獎 - 銀獎」，如今主力於香港電台第一台做主持，成功翻身。
(instagram截圖)
(instagram截圖)
撰文：張芷晴