敏之難忘Michael讚賞

胡楓（修哥）、陳敏之昨晚在電視城錄影音樂節目《流行經典50年》，修哥透露黎小田做童星時已認識對方，奈何從未正式合作過。提到二人的難忘事，修哥說︰「之前曾叫佢寫新歌，我仲笑佢懶，當時佢話自己好快、隨時都寫到！」兩人幾個月前曾碰面，有講有笑，「我覺得小田嘅人生非常快樂，係一個好快樂嘅人！」

另外，身穿黑色服裝現身的敏之，形容自己心情複雜︰「前晚探過小田哥，今日返嚟化粧間同埋熟悉嘅錄影廠，心情好複雜，因為以前化粧嘅時候，小田哥都係坐我隔籬，所以今日入到化粧間覺得好唔開心。」敏之其後更哽咽表示︰「最難忘有一次，小田哥雖然已經冇再主持節目，但佢亦有留意到，睇完仲發短訊畀我，讚我進步咗好多，嗰次我好開心。」

採訪︰Pauline

攝影︰林良明