麥長青（麥包）今年離開工作了32年的無綫電視，接拍ViuTV的旅遊節目《C9旅行團》，與金剛帶住一大班師奶團友去遊台灣。比起以往的《街市遊學團》有些性質不同，而麥包亦有另一種體會，他說：「出發前你會以為班師奶咩都唔敢試，帶佢哋去玩賽車，佢哋不知幾開心，玩得幾投入，所以其實大家覺得帶老人家去旅行好麻煩，只要細心少少安排，佢哋都一樣玩得好開心。」
(《晴報》圖片)
(《晴報》圖片)
麥包寄語大家多陪長輩或者父母去旅行，因他們年輕時只顧持家賺錢，或許從未有機會享樂，有機會就多陪伴他們：「一直工作忙，好少機會同父母去旅行，連平時約飲茶、食飯都難。去旅行會特別諗起細佬，好遺憾佢走得早，未正式同佢去玩過，連了解佢嘅機會都少，我記得佢講過好想去日本旅行，結果佢臨走之前一次飛機都未搭過。」麥包直言失去了弟弟，令他學識珍惜身邊的人與事，享受活在當下，亦不要吝嗇自己的情感，勇敢向身邊的人表達愛意。
相關新聞：麥包離巢無綫為ViuTV做主持 捱足32年與男主角擦身而過
{{hket:inline-image name="MAK.jpg"}}{{/hket:inline-image}}
(圖片：ViuTV《C9旅行團》大會提供)
{{hket:inline-image name="MAL.jpg"}}{{/hket:inline-image}}
(圖片：ViuTV《C9旅行團》大會提供)
麥包入行初期收入不穩定，曾利用信用卡套現應付生活，加上媽媽和弟弟同時證實患癌，要支付沉重的醫藥費，最終欠下過百萬巨債，多年來的生活都在還債之中度過，但他從來沒有怨過半句，因家人是一輩子的。「男人就係要孭得起所有東西同問題，幼有所長，老有所養，當你成為爸爸、人哋嘅丈夫，有任何問題都唔會表達出你嘅擔心，父母照顧我大半世，係時候我哋要照顧佢，點可以要佢哋承擔呢啲壓力呢？太太照顧頭家好辛苦，小朋友努力咁成長，係咪要令佢哋擔憂埋一份呢？」
麥包認為每一個經歷都豐富了人生，更滋潤了他的演技，他說：「嚟到呢個世界都係行個圈，有冇意義係在乎段過程嘅記憶，好好感受呢個世間七情六慾，去享受，彩虹因七色而美麗，人生因高低起跌而精彩。」
相關新聞：《閃電傳真機》朱茵事隔27年再同台 當年小演員榮升做麥包經理人
(圖片：網上截圖)
(圖片：網上截圖)
(圖片：網上截圖)
(圖片：網上截圖)
(網上圖片)
人到中年才離開舒適圈，向未知的未來進發，麥包形容：「當TVB少林寺，學咗32年功夫。當然我唔敢講學滿師，但我都好想落山試吓自己套功夫得唔得，我想去出面闖，呢個年紀又有家庭負擔，好多人問我咁樣決定係咪正確呢？幸好嘅係太太同仔女都好支持我，個女話你開心就得，做你鍾意做嘅嘢，佢食粥都得！」
32年來，麥包賺得最多的是友情，《2010年萬千星輝頒獎典禮》獲頒「最佳男配角」，最高興的是全台同事都替他感到高興，麥包難忘「梳化服」的幕後工作人員，曾經他會不開心、被指責，但這些工作人員簡單拍拍膊頭，對他而言是最窩心的問候。
(圖片：網上截圖)
(圖片：網上截圖)
充滿正能量的思想，麥包好希望能夠影響子女，可惜子女多數都嫌煩，他說：「當年我爸爸冇咁做，我要撞來撞去試，搞到遍體鱗傷，到真正找到合適的路，已經滿頭白髮。我幾希望有個人帶住我行，我就發力向前衝就得。齋講仔女都未必信，可能真係要佢哋體會過先明白。」
麥包經常以經典流行曲去勉勵自己，「知否世事常變，變幻才是永恆」，羅文的《家變》一曲，道盡人生百態，他說：「世界唯一不變就係不斷變化，每日唔知聽日發生咩事，唔好回頭望，只要向前行，對自己有信心，唔怕你慢，只怕你站，不進則退，最重要繼續向前行。」
(圖片：網上圖片)
(圖片：麥長青微博)
(圖片：東星娛樂)
(圖片：麥長青微博)
(圖片：東星娛樂)
場地提供：Hyphen Party & Event
撰文：楊安莉