買7-Eleven咖啡券 送niko and...隨行杯

每日返工都咁忙，咖啡真係每日必備，攞住隨行杯去買當然更環保啦！黛安聽公關姊妹講，7-Eleven自家品牌7Café最近首次聯乘日本時尚概念品牌「niko and...」，推出咗隨行杯，雙層結構、防燙隔熱，飲水口位置仲設有封蓋，方便使用兼防塵，有型格灰色同藍色兩個選擇，每個杯容量約350ml，用嚟買7Café即磨咖啡就啱晒！

黛安見到個杯咁型都好想要啊，公關姊妹話，7-Eleven由聽日起（4日）至31日會推出「7Café咖啡券」，每本售價140元，當中包括10張7Café咖啡券，可換領任何口味嘅7Café即磨咖啡，包括最新推出嘅紫薯紅豆味鮮奶咖啡同凍紫薯紅豆味鮮奶等，每張券有效日期至明年1月31日。現時凡購買「7Café咖啡券」一本，即送專屬於你個人風格嘅7Café X niko and...隨行杯一隻，數量有限，送完即止，等大家隨時歎到一杯靚咖啡之餘，亦能響應環保！