【聲明】港生活網站並無進行電話推廣活動

屈臣氏義賣慈善熊 夥凝動培育年輕人

發佈時間: 2019/12/03

好快又到聖誕節,黛安收到風,屈臣氏已精選多款獨家聖誕禮物,優惠亦好吸引,好似佢哋獨家推介嘅法國名模法寶Marionnaud Paris,全綫產品買2件85折,買嚟自用送禮都好適合。同時會舉行義賣慈善熊籌款活動,希望將更多關愛同歡笑帶到唔同角落。

今年屈臣氏為凝動香港體育基金舉行聖誕義賣慈善熊籌款活動,大家只要喺指定屈臣氏分店,以慈善價59.9元買一個10.5吋熊公仔,屈臣氏就會喺每隻售出嘅慈善熊收益中,捐出5元畀凝動香港體育基金,如果係易賞錢會員,購買時更可享9折優惠。另外,全綫屈臣氏分店亦會放置捐款箱,鼓勵大家熱心捐款,支持凝動香港體育基金以體育幫助年輕人,咁有意義,又多筍貨,大家快啲行動喇。

撰文: 黛安 消息特靈八卦公關
欄名: 八卦名利場