【聲明】港生活網站並無進行電話推廣活動

失戀後患情緒病 李麗珍:自己醫好自己

發佈時間: 2019/12/03

李麗珍(珍妹)及趙頌茹(阿Yu)昨日出席ViuTV全新節目《一切從失婚開始》記者會,她們分別與素人到訪世界各地,了解異地婚姻文化。珍妹在節目中大談感情事,曾因與潘源良分手而引發情緒病的她,坦言靠自己幫自己走出困局。

李麗珍在節目中與素人Benjamin到訪台灣,大家邊拍攝邊傾心事:「我當咗對方係機械人咁,唔使理佢嘅身份,乜都可以同佢講,反而相熟嘅朋友講得多會悶。今次我仲安慰番對方轉頭,因為佢放唔低之前一段感情。」他們探訪當地山區一對不理世俗的夫妻,令珍妹體會到簡單的幸福。

在節目中重提失婚及失戀經驗,問珍妹可有感觸落淚?她說:「我本身好難喊,除非好大件事,節目中都有感動位。」提到與舊愛潘源良分手後誘發情緒病,珍妹說:「係自己醫好自己,唔好鑽牛角尖,喺節目度都有分享,好似畫畫咁,同埋朋友幫我問心理醫生意見。不過我無睇過心理醫生,情況無咁嚴重,但如果繼續係咁就要睇。」她表示女兒許倚榕是她醫好自己的動力:「個女叫我振作,我感動到靜靜雞喊。」

趙頌茹探AV女優開眼界

同場的趙頌茹與兩位女生去日本,訪問AV女優及牛郎。她說:「接觸過AV女優,其實唔係一件咁鹹濕嘅事,都係一份工。同佢哋傾偈令我大開眼界,感覺笑中有淚,淚中有笑。」節目組更帶阿Yu去相睇,但暫未有結果。可有信心覓得真愛?她坦言:「無幻想咁多,依家搵錢湊女,真愛喺邊呢?年紀大想有個伴,但唔會好渴望。」

採訪︰Pauline

編輯:李潔盈

美術:熊偉然

趙頌茹擔心自己在節目中哭得太醜樣。