朱晨麗生日狂收花

朱晨麗（朱朱）昨日32歲生日，人緣甚佳的朱朱在生日前夕獲新劇《多功能老婆》拍檔陳煒、洪永城、王梓軒，以及服裝設計師何國鉦為她慶生。最驚喜的是眾人各送上一束鮮花，又訂製粉紅生日蛋糕及壽包，連收四束花的朱朱相當感動。

朱朱笑說：「大家知我鍾意收花，估唔到佢哋每人送我一大束，仲要係唔同顏色嘅玫瑰花，幾乎感動到想喊，我覺得自己好幸福！」她坦言不用收生日禮物：「講一句生日快樂，我已經開心死啦，心意係最緊要，見到大家開心健康，我已經好滿足，唔需要任何禮物。」而朱朱緋聞男友何廣沛亦不避嫌公開留言祝福：「感恩有這一日。」