【聲明】港生活網站並無進行電話推廣活動

拍劇玩姊弟戀 王梓軒直認愛上陳煒

發佈時間: 2019/12/04

陳煒(煒哥)與王梓軒在劇集《多功能老婆》大玩姊弟戀,昨日二人到新城電台宣傳時,王梓軒大讚煒哥夠甜,更直認拍劇時有少許愛上對方。煒哥則笑言拍接吻戲前,已向醫生男友備案,對方更大讚王梓軒斯文。

前晚一集《多功能老婆》中,王梓軒因誤上陳煒座駕而初次相遇,梓軒落車時更將煒哥高踭鞋踢落車。他們昨日接受新城訪問,笑言這場初遇戲花了很長時間才完成。他們說:「因為條路係單程路,每次拍完一個鏡頭,都要兜大個圈番轉頭先再roll,加上又撞正落雨,拍咗好耐才完成。」

醫生男友唔呷醋

梓軒在劇中飾演離地的富家子,煒哥會帶他到大牌檔食田雞。原來梓軒現實中未食過田雞,他笑說:「真係好恐怖,我聞到田雞味好腥,我仲要扮到食得津津有味,不過望住煒哥就乜都甜啦!」問他有否戲假情真愛上煒哥?他笑說:「少少啦!我要勒住自己,否則墮入懸崖,到時醫生(煒哥男友)會嚟搵我!」

煒哥預告在劇中與梓軒有不一樣的接吻戲,問煒哥有否擔心男友呷醋?「無呀,我平時都拍唔少親熱戲。梓軒都見過我男朋友,佢仲叫我男友放心,因為我哋喺劇中連手仔都無乜掂過。男朋友都讚梓軒斯文,係個好男仔。」梓軒聞言笑說:「可能醫生一見我就唔擔心,覺得女朋友點會鍾意我呢類型呢!」

採訪、攝影︰Pauline

編輯:李潔盈

美術:陳超雄

二人在《多功能老婆》中的姊弟戀十分純情。