【主僕情深】宣萱成名不忘孝順兒時工人姐姐 「冇佢就唔會有今日嘅我」

陳慧珊主持的「香港開電視」節目《放學後》，每集都邀請圈中不同藝人，大談成長時期的經歷和得著，最新一集就請到宣萱。陳慧珊除了和她同遊英國，重溫昔日留學英國的生活點滴外，宣萱還帶了兒時的傭人英姐出鏡，大談工人姐姐對自己人生的影響。

{{hket:inline-image name="hgg.jpg"}}{{/hket:inline-image}}

（影片截圖）

{{hket:inline-image name="gvc.jpg"}}{{/hket:inline-image}}

（影片截圖）

英姐雖然沒讀過大學，但很有生活智慧，自小教育宣萱很多人生道理和生活常識，如摺衫、打掃等，讓她12歲獨自到英國讀書時可以自理。英姐又有好多人生金句如「呻饑勿呻飽」，又教導宣萱「做人唔好抱怨太多，唔好要求太多」，宣萱都一直銘記於心。

宣萱坦言英姐視她為親生女兒般照顧，而英姐的存在，讓她學識如何去愛人。她說：「因為佢係無條件咁錫我，佢做呢一切唔單單係為份人工，而係用心咁教我，其實英姐冇必要咁做。細個英姐成日同我哋講要知足常樂，當時聽到都會『哦哦』咁囉，但大個就會明白佢用心良苦。」宣萱又稱：「冇英姐就唔會有今日嘅我。」

{{hket:inline-image name="fcc.jpg"}}{{/hket:inline-image}}

宣萱細個好得意！（影片截圖）

{{hket:inline-image name="jess8_1024.jpg"}}{{/hket:inline-image}}

（影片截圖）

49歲的宣萱在娛樂圈出道多年，但工作幾忙碌都不忘陪伴英姐，閒時會同哥哥、阿嫂陪英姐飲茶、睇下海景，眾人不需要談天說地，大家在一起就夠。宣萱說：「我哋自己有自己講，英姐想搭嘴就會講嘢，唔講都冇所謂，但佢一聽到有得飲可樂就會點晒頭。」

{{hket:inline-image name="uuuu.jpg"}}{{/hket:inline-image}}

宣萱帶英姐出去約會。（影片截圖）

相關新聞：【17年後合體】宣萱驚咗同古天樂拍戲 邊對最佳熒幕情侶曾5度合作？

因為英姐在老人院不能飲可樂，所以在節目入面，宣萱帶她外出時，偷偷地請英姐飲可樂。短暫的約會裡，宣萱細心地照顧英姐，幫佢斟可樂，兩人的互動真的很溫馨。

{{hket:inline-image name="gffc.jpg"}}{{/hket:inline-image}}

（影片截圖）

撰文：羅慧怡