蔣家旻開口叫麥秋成約食飯

蔣家旻（Angel）昨日與羅天宇及其同母異父弟弟胡㻗，出席明珠台《愛地球過聖誕》記者會。Angel早前與排舞師麥秋成傳出緋聞，她強調此刻仍是單身，卻又放風表示會在聖誕期間約麥秋成跳舞，拒絕過Lonely Christmas。

羅天宇和蔣家旻曾經在處境劇《愛．回家》中飾演兩兄妹「馬子仁」和「馬子妮」，而兩人在新劇已升呢做母子，Angel即笑言：「好彩我係飾演龔慈恩嘅年輕版，同羅天宇冇對手戲，所以唔會覺得奇怪。我終於生得佢出，哈哈！」羅天宇更笑指以後都會稱呼Angel做「媽媽」。

聖誕節將至，Angel透露已相約了好姊妹朱千雪聚舊，問她可有相約緋聞男友麥秋成練舞？她笑言︰「叫麥秋成約我啦，我個人唔係好主動約人食飯，但我有好主動約佢跳舞，咁聖誕約佢跳舞囉，不過唔會喺平安夜、聖誕正日同Boxing Day約佢。」對於兩人可有發展機會，Angel強調：「佢應該係單身嘅，我都係單身，我都畀咗好多年時間羅天宇㗎，但佢對我無興趣，你睇佢個樣幾無奈。」

羅天宇為騷肌減肥

至於已經過了兩年Lonely Christmas的羅天宇，因為要在新劇中騷肌，所以也不敢放肆大吃大喝，他解釋︰「開始要努力減肥，唔知點解啲劇好鍾意搵我除衫，我會同龔嘉欣有感情戲，但唔知有無『動作』場面。」

撰文︰倪小珊

編輯︰黃卉彤

美術︰李明

攝影︰林良明