【娛圈好繼母】章子怡被指忽略繼女粉絲護航 鍾鎮濤仔為范姜反親母：斷絕關係

章子怡早前宣布為老公汪峰佗第二胎，雖然個肚已經唔細，但佢仍然親自同囡囡上跆拳道堂，仲幫為囡囡拍片同粉絲開心share：「看醒寶專注努力有模有樣的練跆拳道，肚子裏的小寶貝也跟着一腳一腳地踢起來，我欣喜地感受着兩個小生命都在積蓄着各自的力量，來自生命最真實的力量！這種感覺太美好！將來二寶有醒姐罩着，啥都不用怕。」

{{hket:inline-image name="475e66b5ly1g9adu422rbj20yi1pc4c1.jpg"}}{{/hket:inline-image}}

（汪峰微博）

不過「二寶」一詞觸動網民神經，質疑章子怡唔記得咗汪峰同前妻葛薈婕所生嘅女兒汪曼熙（小蘋果），話始終養母都係爭咁啲。不過子怡嘅粉絲即刻出嚟為佢護航，指出佢其實比任何人都更加錫「小蘋果」。

{{hket:inline-image name="475e66b5ly1g9adu275otj216o1kwh6n.jpg"}}{{/hket:inline-image}}

（汪峰微博）

章子怡其實曾經喺節目《妻子的浪漫旅行2》中大談同小蘋果嘅關係，透露第一次見小蘋果時，對方就叫佢媽媽，當時好感動，自言好疼錫她。章子怡指小蘋果從來都沒有排斥她，自己亦由骨子裏錫佢。汪峰亦大讚老婆：「她在很多方面讓女兒感受到媽媽的愛，這一點是完全沒有任何人可以代替的！但又是女兒最需要的。」

{{hket:inline-image name="475e66b5ly1g9adu8rhyxj21kw16o4h2.jpg"}}{{/hket:inline-image}}

（汪峰微博）

楊卓娜老公「廣告燈箱大王」楊志翹早年喪妻，兩個女舒婷同舒雅頓失母愛。楊卓娜後來因為做兩個女孩嘅手工藝老師而認識丈夫，間接做咗父母嘅紅娘。楊卓娜曾經喺節目《關你家事》分享對兩個感覺，仲一度感觸落淚：「我好希望佢嘅繼母會同佢哋媽媽一樣，畀到同等份量嘅嘢佢哋。雖然我先生嘅前妻已經唔喺度，但係我同時都感受到佢做人媽媽嘅心情。每當我見到小朋友唔開心時，更加明白到作為人母嘅感受。我覺得愛同包容可以解決所有問題，但係呢種『愛』係一定要好無私、唔可以比較、唔可以拎去爭寵，係要包容。」

{{hket:inline-image name="58409437_818892915155783_1736409759679804779_n.jpg"}}{{/hket:inline-image}}

（楊卓娜IG）

2014年鍾鎮濤同拍拖17年嘅女友范姜結婚，二人嘅女兒鍾懿同鍾幗擔任花女，而前妻章小蕙所生嘅一仔一女都有出席。2011年范姜與章小婉（章小蕙妹妹）發生爭執鬧上警署，范姜涉嫌刑事毀壞被捕。當時16歲大嘅嘉晴亦在場，有指章小婉向警員投訴嘉晴面腫兼流牙血。嘉晴堅決冇認范姜體罰佢，力撐范姜好愛護家人，當時喺Facebook指有人想害「范范阿姨」，話阿姨打佢，仲話覺得好對唔住范姜。當年21歲嘅阿B長子鍾嘉浚更喺網上指名道姓警告阿姨（即章小婉），表明若阿姨再搞佢嘅家人，就會同阿姨以及佢身邊嘅人斷絕關係。

{{hket:inline-image name="screen.png"}}{{/hket:inline-image}}

（網上圖片）

林青霞嫁邢李㷧嘅時候，繼女邢嘉倩好抗拒林青霞，不過林青霞後來嘅悉心教導同陪伴，用行動漸漸打動邢嘉倩，最後成功地令邢嘉倩叫林青霞一聲「媽媽」。打破了隔膜之後，兩母女都關係十分親密，更會分享各自心事。就連邢嘉倩嘅生母張天愛都大讚林青霞包容同埋識教。

{{hket:inline-image name="654.jpg"}}{{/hket:inline-image}}

 （網上圖片）

撰文: 黃蘊姿