晴報睇住賞 加推限定版Kakao Friends午餐盒 $55驚喜價換購

黛安有朋友剛剛去完韓國，大家都話原來Kakao Friends係比想像中更受歡迎，當地除咗有多間Kakao Friends Store，喺首爾嘅主題樂園及咖啡店，更加係人山人海，非常厲害！

Kakao Friends主題樂園以芝士波零食為主題，內設3款VR玩樂設施，可與Ryan一起大玩VR冒險闖關，粉絲必定樂而忘返。講到打卡位，粉絲們最鍾意就係咖啡店入面，以角色造型為賣點嘅馬卡龍同埋紙杯蛋糕，加上季節限定食物，經常令粉絲們好有驚喜。

我哋身在香港，點樣先可以感受到Kakao Friends嘅魔力呢？黛安今次就同大家推介，《晴報》與「Kakao Friends」近期推出嘅限定版玻璃午餐盒，有英氣Ryan同可愛Apeach兩款，兩款都非常受歡迎，環保又實用。聽聞Ryan仲要特別加推數量，等住各位粉絲帶晒Ryan同Apeach返屋企！

如果你都想搶先換購到「Kakao Friends」午餐盒，由即日起至12月16日，只需要出示《晴報》App（文字版）印花、或剪下《晴報》印刷版印花，就可以去指定7-Eleven以55元換購午餐盒一個！想知道更多詳情，可以掃一掃旁邊QR Code，去活動網頁睇睇啦！