慳家女傭化身水電工急救家電 僱主大讚：唔係個個都係破壞王

不時有僱主在網上大吐苦水，指外傭化身「破壞王」，用壞家中電器。惟一名港爸日前在網上發帖為外傭「平反」，指家中女傭為了幫他「慳返一筆」，竟化身水電工維修洗衣機等家電，令他不禁大讚：「唔係個個姐姐都係破壞王，真係好感恩有呢個好姐姐！」

該名港爸在Facebook群組「外傭僱主必看新聞訊息」發帖，指上周五（6日）上班後，接獲女傭通知，指用了10年的「錢七」洗衣機「唔識入水落去洗衫」。正當他打定輸數，打算放工後買新洗衣機時，女傭再傳短訊通知他洗衣機或「有救」，

「姐姐whatapp話可能某件零件唔得，拆咗出嚟等我收工試吓去夜冷舖配返睇吓得唔得，咁好彩夜冷舖又真係有呢件零件喎，幾十蚊搞掂，咪執咗返屋企試吓囉，見佢又拆又裝，又捲水喉膠布。」

{{hket:inline-image name="maid101220191.jpg"}}{{/hket:inline-image}}

女傭拆開洗衣機換零件。（「外傭僱主必看新聞訊息」Facebook）

他續指，雖然洗衣機最終因「死咗塊電腦板」而宣告「搶救無效」，需另買一部新洗衣機但他對女傭仍十分欣賞，

「嗰份堅持，真係服咗佢！其實想講，真係有姐姐會盡能力整返好啲電器，並唔係個個姐姐都係破壞王，姐姐都想盡量幫我慳返一筆嘅，好似呢期好興嘅『氣炸鍋』、『電飯煲』呀，我都係淘寶落嚟香港，姐姐再加工將兩腳插蘇變三腳插蘇，所以真係好感恩有呢個好姐姐。」

不過他強調，之所以會任由女傭維修電器，是因為對方有相關知識，並提醒道：

「姐姐對電工呢part係有基本認識，唔建議其他姐姐喺屋企嘗試，好危險。」

{{hket:inline-image name="maid101220192.jpg"}}{{/hket:inline-image}}

女傭將兩腳插頭更換為三腳插頭。（「外傭僱主必看新聞訊息」Facebook）

對此，不少網民留言大讚女傭，「你姐姐巧堅」、「咁要加人工啦」、「好羨慕呀，可遇不可求」、「勁過啲男人」、「你姐姐好勁！佢讀engine？」、「我欣賞姐姐動腦筋思考、嘗試解決問題的工作態度」。不過，亦有網民表示基於安全理由，「講真，佢就算識，我亦唔會畀佢整任何嘢。」

不過，曾有專家提醒，若洗衣機發出現異響或跳動不正常情況，應立即通知合資格人士維修。要注意自行維修電器有一定風險，天水圍天逸邨早前就有單位發生火警，45歲男住戶在家中維修電器時起火，與母親雙雙吸入濃煙不適，需送往醫院治理。

撰文：李凱晴