《多功能老婆》劍雄遭全城鬧爆反捧浩田成暖男 黃浩然急割席 IG留言暗藏劇透

劇集《多功能老婆》播放以來成為不少電視迷的談論話題，首周收視25.2，雖然仍然輸畀《愛回家之開心速遞》，不過由於劇情在第二星期已經開始推進，特別是尚劍雄（黃浩然飾）為了事業與「小三」顏成功（于淼飾）遠走高飛，不惜拋妻棄子，與太太藍飛（楊千嬅飾）簽離婚協議書，成為「世紀賤男」，全城電視迷都不禁鬧爆他，令黃浩然的IG被惡毒留言狂炸，似乎大家都睇得好投入。

相關新聞：《多功能老婆》 黃浩然拋妻棄子仲顧住個小三 IG瘋狂被轟 連胡定欣都要爆粗？

{{hket:inline-image name="19f105e6-255b-4e5f-8d3a-76c9b188ee1b.jpg"}}{{/hket:inline-image}}

(圖片：TVB《多功能老婆》劇照)

{{hket:inline-image name="ray4.jpg"}}{{/hket:inline-image}}

(圖片：《多功能老婆》電視截圖)

{{hket:inline-image name="ray2.jpg"}}{{/hket:inline-image}}

(圖片：《多功能老婆》電視截圖)

{{hket:inline-image name="WONG3.jpg"}}{{/hket:inline-image}}

(圖片：黃浩然太太IG）

劍雄一方面飛走到上海工作，另一方面藍飛同後生仔榮浩田（周柏豪飾）反而愈走愈近，榮浩田除了跟藍飛的囝囝佳佳投緣之外，更成功俘擄她兩位閨密馬思蕾（朱晨麗飾）和萬風華（陳煒飾）的心，順利「入屋」融入家中。榮浩田對藍飛的愛都愈來愈明顯，遠超一般關心和同情，更兩次在危急關頭突然出現上演「英雄救美」，又靚仔、又有錢、又識得照顧小朋友、又同好姊妹夠老友...這種「世紀暖男」出現，成功令觀眾全部「心心眼」。

{{hket:inline-image name="1e054a73-41f3-4f96-95eb-4b0169ab7f1c.jpg"}}{{/hket:inline-image}}

(圖片：TVB《多功能老婆》劇照)

{{hket:inline-image name="71715870_157597108936483_3875016538180424276_n.jpg"}}{{/hket:inline-image}}

（圖片：黃浩然IG)

不少觀眾戥黃浩然不值，角色有所發揮但戲份卻不及周柏豪的討好和受歡迎，黃浩然被全城鬧爆之餘，連自己的老婆都鬧埋一份，他終於打破沉默，連日來在IG一人分飾兩角玩劇評，分別以「黃浩然」同「尚劍雄」的角度對話，明顯想同「賤男」尚劍雄割席，還他好老公、好爸爸的形象。

相關新聞：【多功能老婆】朱晨麗離鄉尋夢愧欠家人感後悔 努力求進：「我流盡汗水淚水血水」

而黃浩然為劍雄的留言直接鬧爆榮浩田，他說：
「尚劍雄：真係睇到都眼火爆！
黃浩然：唔係呀，我覺得好溫馨喎
尚劍雄：頂......今晚九點半睇吓呢個死𡃁仔仲有咩花臣」

{{hket:inline-image name="WONG.jpg"}}{{/hket:inline-image}}

（圖片：黃浩然IG)

「尚劍雄：衰婆，我走咗仲笑得咁開心；死𡃁仔唔好諗住改造我老婆呀
黃浩然：唔係吖！佢哋都幾襯吖，好耐都冇見到藍飛笑得咁開懷嘞！
尚劍雄：死𡃁仔，賣錶、賣呢賣路，自己都未養得掂，學人溝我老婆
黃浩然：阿叔，睇開啲啦，起碼人哋後生仔都有責任感吖，而家好小（少）有架嘞
尚劍雄：頂！吹賬(脹)......」

{{hket:inline-image name="WONG2.jpg"}}{{/hket:inline-image}}

（圖片：黃浩然IG)

其實此等對話已經透露出劇情發展的玄機，即是代表尚劍雄對藍飛還是非常著緊，好想趕走「替代品」榮浩田，不想他取代自己在家庭的位置，所以先會打爛醋埕。係咪意味住劍雄會回頭是岸呢？令人期待！

{{hket:inline-image name="fa264067-463a-4ed9-b872-0a08745b0c8a.jpg"}}{{/hket:inline-image}}

(圖片：TVB《多功能老婆》劇照)

撰文：楊安莉