【萬千星輝2019】馬國明能否扭轉「慣性視帝白果」？陳山聰當旺首次挑機呼聲高

《萬千星輝頒獎典禮2019》將會喺2020年1月12日舉行。今日多個獎項嘅入圍名單終於出爐喇！唔知大家最關心嘅視帝入圍名單又有冇你嘅心水呢？

今年男主角競爭非常激烈，入圍名單20人當中其中以《鐵探》袁偉豪、《白色強人》嘅馬國明、《解決師》嘅王浩信、《多功能老婆》嘅黃浩然，同埋憑《金宵大廈》首次競逐視帝嘅陳山聰呼聲最高，真係唔到最後，都未知鹿死誰手！

連續多年馬國明雖然多年都未能拿下視帝寶座，但一早已經係觀眾心目中嘅視帝。今年佢再喺《白色強人》中演醫生觀眾都大讚佢，認為「TVB欠佢一個視帝寶座」，唔知可唔可以打破呢個無限輪迴，一嘗視帝滋味?

{{hket:inline-image name="skypost14062019a031.jpg"}}{{/hket:inline-image}}

（《白色強人》劇照）

至於王浩信今年已經係連續第五年有孭飛台慶劇並提名視帝，2017年《踩過界》已經為佢拎過一次視帝殊榮，而今年佢喺《解決師》挑戰加入大量動作場面，都係一個超強對手嚟！

{{hket:inline-image name="maxresdefault.jpg"}}{{/hket:inline-image}}

（《解決師》劇照）

今年被安排與惠英紅拍攝重頭劇《鐵探》嘅袁偉豪，為劇集減磅變人乾超大犧牲，獲紅姐點名大讚，角色仲係為佢度身訂造，勤力之餘仲贏埋人和，好大機會跑出。

{{hket:inline-image name="OEN190328-14246-CO-5M.jpg"}}{{/hket:inline-image}}

（《鐵探》劇照）

黃浩然今次喺《多功能老婆》跳出好男人框框演賤男老公，睇到大家都咬牙切齒，唔知可唔可以為佢奪下視帝獎項？

{{hket:inline-image name="eKbDJ0qdgryxAcUAHH5rywuJoaFitOiaceupRnHrqUY.jpg"}}{{/hket:inline-image}}

（《多功能老婆》劇照）

不過被視為黑馬的陳山聰都不容小覷，雖然佢係第一次角逐，但佢喺《金宵大廈》中飾演保安阿蕭演出非常有驚喜，唔知前年拎咗《最佳男配角》嘅山聰今年可唔可以再下一城呢？

{{hket:inline-image name="gf.jpeg"}}{{/hket:inline-image}}

（晴報圖片）

不過喺提名戰中已經出咗一個小小嘅贏家，洪永城除咗提名視帝之外，仲提名《我最喜愛電視男角色》、《最佳男配角》、同埋同拍檔黃翠如競逐《最受歡迎電視拍檔》同埋《最佳節目主持》，睇嚟點都有一個獎攞走。

{{hket:inline-image name="lu-8ko9L3gEL_Bwy3nwYYz_pUtLvRkWaG3gjxht4I8Y.jpg"}}{{/hket:inline-image}}

（《多功能老婆》劇照）

山聰同拍擋李施嬅接受本報訪問，都好開心《金宵大廈》有多個提名，仲講到好放心話兩個都話《金宵大廈》「點都會中一個」，不過當記者問到「兩個只能活一個」嘅時候，佢哋都表示好想對方攞到視帝同視后，山聰話自己只係第一次提名：「我之後仲有好漫長嘅路（因為施嬅已經離巢），真係好想施嬅攞。」

{{hket:inline-image name="20191014JLA014__20191014_L.jpg"}}{{/hket:inline-image}}

（《金宵大廈》劇照）

施嬅大讚山聰好Sweet，忍唔住話都好想山聰攞視帝，話最好攞《最佳劇集》就人人有份，山聰就話想拎《最受歡迎電視拍檔》話佢同施嬅係一人分飾兩角，橫跨60年代到現代，覺得佢哋身負４個角色上去攞獎真係意義非常重大。出名貪靚嘅山聰仲已經同施嬅夾定頒獎禮當日嘅戰衣，實行貫徹做對最佳拍擋。

至於男配角方面，《金宵大廈》分別飾演林老師的年輕版和老年版都有入圍，張彥博和劉江成為競爭對手。而《白色強人》方面，姜大衞在台上笑言：「我都角逐咗好多年，冇諗過原來男配角仲難拎過男主角，希望大家多多支持！」同劇的張達倫、蔣志光、何廣沛和韋家雄都有入圍同一獎項。

另外，《牛下女高音》的曾偉權、《鐵探》的梁競徽、《愛回家之開心速遞》的張景淳等都有機會跑出。

撰文: 黃蘊姿