近日《多功能老婆》講到周柏豪（飾演浩田）繼續對楊千嬅（飾演藍飛）呵護備至，講了大堆情深說話，睇到觀眾好羨慕。有見及此，黃建東同楊詩敏（蝦頭）就惡搞《多功能老婆》，蝦頭飾演煲劇成癮的老婆；黃建東就扮演浩田。雖然他谷肌肉、彈結他都失敗，但髮型、耳環、玻璃杯潮文都一樣，黃浩然、王君馨等都覺得他某些角度同周柏豪好似。黃建東笑言他與蝦頭成為TVB另類金童玉女，讚對方是他最愛女演員之一，覺得她骨子裡很性感。
(SeeSeeTVB截圖)
(SeeSeeTVB截圖)
(SeeSeeTVB截圖)
(SeeSeeTVB截圖)
現年38歲的黃建東畢業於紐約州立大學戲劇系，於2011年香港先生競選獲「演藝潛能大獎」入行。他曾因惡搞日本洗腦歌《PPAP》成廣東話粗口諧音版，以及扮陳偉霆在手表廣告講英文而得2016年「YAHOO網上熱爆歌曲奬」、「E+最有創意網絡紅人大奬」，2017年於香港電視大奬-男主角奬投票中得最高分，更獲古天樂鼓勵：「阿東你最寶貴的是自己的創作，這是你最獨特的。你只要繼續做，不要想太遠，有一天做到成功，就會有其他機會發生。」
（影片截圖）
（影片截圖）
（影片截圖）
（影片截圖）
除了黃建東，他媽媽也成為近期熱話。事關上月底兩母子為《流行經典50年》進行錄影，不少網民激讚黃媽媽Keep得好：「靚過好多藝人，唔做星嘥晒」、「吳婉芳加龔嘉欣加JJ （賈曉晨）」、「媽咪超索，唔似有咁大個仔」，有人仲留言話：「好想同佢阿媽生BB」，黃建東就回答：「唔好意思啊靚仔，呢個工作30幾年前交咗比我阿爸負責，睇來佢嘅表現都幾好，暫時唔使搵人幫手住」，仲分享媽媽凍齡秘訣：「我媽咪每朝早6點幾起身拉2個鐘頭筋熱身，教完舞上完堂之後夜晚再用2個鐘Mark舞備課同埋再拉筋Cool down番；飲茶食蓮蓉包奶黄包永遠會撩走舊餡淨係食包皮」。
(東星娛樂)
(TVB電視截圖)
(TVB電視截圖)
(TVB電視截圖)
▼黃媽媽有instagram
（instagram截圖)
另外，黃建東表示會與媽媽母子檔上陣，媽媽會成為其舞伴，表演探戈。據知黃媽媽身為跳舞老師，一直想開舞蹈學校，黃建東知道後馬上為她找舖位租用。多年來，黃建東一直與父母、弟弟住在黃大仙約300多呎公屋，目前仍要與弟弟睡在上下格牀。故他亦欲儲50萬首期，買大單位氹媽媽開心：「童年時話過，一生到盡頭，也願意拖着你的手。」據傳媒報道，黃建東節衣縮食地生活，曾半日只使20港元，平時多買特價貨、到美食廣場用餐，認真慳家。
(黃建東instagram截圖)
(黃建東instagram截圖)
撰文：張芷晴