「池美麗」鍾凱琪驚現律政2冧爆馬國明 從演13年最難忘洪永城背後淋水

TVB深夜正在重播《律政新人王2》，這套劇首播已經是12年前，看到演員們青澀的面孔，真的很懷念！第一集劇情講到辛萬軍（馬國明飾演）為慶祝打贏第一單官司，特地到哥哥辛萬金（陳國邦飾演）的酒吧開party，成班朋友介紹不同靚女給馬國明，等他開心一下。這個時候，馬國明一轉個頭就見到李麗妮（鍾凱琪飾），亦即現在大熱處景劇《愛回家》中的「池美麗」。

{{hket:inline-image name="jj.jpeg"}}{{/hket:inline-image}}

（影片截圖）

鍾凱琪雖然在劇中出現短短幾分鐘，但已經演得好好，先是連環狂嗲、向馬國明撒嬌，又冧爆咁講：「軍哥哥，我都病咗呀，你唔安慰下我？我病咗都捧你場，值得安慰啦？」之後個樣仲表現到好冧。有觀眾看完重播亦即時在網上留言，大讚鍾凱琪演得很好，而且個樣完全沒變，keep得好好，仲話佢凍齡添呀！

相關新聞：【有片】老婆婆撐拐杖被拒載不能回家 《愛回家》池美麗一個行為獲讚真女神

{{hket:inline-image name="fcc.jpg"}}{{/hket:inline-image}}

一開始馬明同個靚女傾緊計（影片截圖）

{{hket:inline-image name="xxx.jpeg"}}{{/hket:inline-image}}

轉過頭就見到鍾凱琪（影片截圖）

{{hket:inline-image name="dd.jpeg"}}{{/hket:inline-image}}

連環撒嬌（影片截圖）

鍾凱琪被問到有咩保養心得，她接受《晴報》訪問時謙虛地說：「多謝多謝，可能人肥面皮厚，睇落唔多覺有變，不過最重要係心境開朗。套劇（《律政新人王2》）都10幾年前，雖然我覺得我個人都冇咩長進，皺紋可能多啲，不過心境輕鬆，個人都會寬容啲，就會睇落後生啲。」

鍾凱琪2006年做完節目《殘酷一叮》沒多久就開始拍劇，同過不少男明星合作過，但講到心中的靚仔藝人，她大讚馬國明一定是頭幾位。她說：「我好記得第一套劇係同秋官（鄭少秋）拍，我記得個時真係好緊張。不過要講最難忘一定係拍《味想天開》，有一幕係比洪永城背後淋成盆水，因為咁大個女真係好少淋水，呢個係好特別經歷。」

{{hket:inline-image name="jjj.jpeg"}}{{/hket:inline-image}}

07年拍完《律政2》鍾凱琪同馬國明合照（受訪者提供）

{{hket:inline-image name="72221333_1186230545098413_3159128914472622981_n.jpg"}}{{/hket:inline-image}}

其實冇乜點變！（IG圖片）

撰文：羅慧怡