黄夏蕙結婚周年分享驅狐之道 孖葫蘆癲倒眾生終覓真愛賽車之父

現年八十九歲嘅黄夏蕙中學畢業後，年僅16歲就進入咗影視圈，憑住佢姣好嘅樣貌同有「孖葫蘆」之稱嘅出眾身材，吸引到唔少狂蜂浪蝶，黄夏蕙指當年有警長為佢爭風呷醋，而追佢嘅明星同富商為數都唔少。

{{hket:inline-image name="0b3d1620-.jpg"}}{{/hket:inline-image}}

林蛟與黄夏蕙（網上圖片）

正值十八芳華嘅黃夏蕙同當時嘅一線小生林蛟一見鍾情，迅速墜入愛河，不過最後二人未能修成正果。黃夏蕙19歲時，得到當時嘅名門律師胡百全力追，胡百全年長過黃夏蕙23歲，仲要已婚，不過佢對黄夏蕙非常貼心，照顧到無微不至。胡百全唔可以娶黄夏蕙過門，但都為佢舉辦咗一場冇法律效力但聲勢浩大嘅婚禮，黄夏蕙喺冇名分下亦為胡百全生下4子2女。一直默默等待，可惜黄夏蕙等到胡百全過身一日都冇得到名分。

{{hket:inline-image name="75253021_3255165774525990_7821472742682656768_n.jpg"}}{{/hket:inline-image}}

（黄夏蕙Facebook）

但上天冇待薄黄夏蕙，最終佢都遇到佢嘅真愛—賽車名將潘炳烈。眨下眼黄夏蕙同潘炳烈已經結婚36年，日前黄夏蕙喺自己社交網發帖文曬恩愛：

「今日係我同潘生36年結婚周年紀念，長久的愛情，不在乎熱戀激情，只在乎互相的忍讓，當度過愛情蜜月期後，往往愛已成了一個習慣，便需要互相忍讓，才可一起生活直到白頭。有時有個自欺欺人的想法，假如知道對方有第三者出現，應如何處理？我的答案就是扮作不知，然後用愛去感化對方，令對方回頭，這才是愛的真蹄(諦)。」

{{hket:inline-image name="79743815_3396671980375368_5554209358809661440_o.jpg"}}{{/hket:inline-image}}

（黄夏蕙Facebook）

平時最討厭面對媒體嘅潘炳烈會拖住黄夏蕙，陪佢喺鏡頭前擺甫士，而黄夏蕙亦甘心做一個小女人，潘炳烈雖然會當眾罵黄夏蕙「死蠢」等，但黄夏蕙就會覺得自己唔及老公聰明，真係一物治一物。黄夏蕙認為做女人切忌管男人，愈管走得愈快，男人的心理是家花不及野花香，老公高大有型又威水，女人見到自然被吸引，遇到「野花」時迫佢選擇只會走得更快，反而放任佢滿足咗好奇心，男人就會明白誰是真愛。

{{hket:inline-image name="TUNGSTAR5805096.jpg"}}{{/hket:inline-image}}

（東星娛樂）

原來黄夏蕙同潘炳烈曾經因為第3者分開七年，最終潘炳烈覺得都係黄夏蕙最好，仲同佢正式註冊結婚。黄夏蕙同潘炳烈嘅前妻同子女同相處得好好，好似一家人一樣，黄夏蕙係有佢嘅一套相處哲學。

撰文: 黃蘊姿