擔任亞洲電視副總裁 林文龍：做好這份工

《2019亞洲小姐總決賽》記者會昨日舉行，16位來自香港、美加、阿聯酋及大中華區的佳麗首次會見傳媒，並宣布決賽日定於本月29日舉行，曾效力無綫的金剛會聯同陳啟泰等擔任大會司儀，而任賢齊、鄭欣宜、江華及麥潔文則擔任表演嘉賓。

大會昨日亦宣布前無綫藝人林文龍擔任亞洲電視副總裁，他在台上表示很開心以一個新形象和新身份跟大眾見面，揚言會將自己從事演藝界30多年的經驗和知識，好好做好這份工，林文龍表示︰「我哋會好用心去製作一啲好有質素嘅影視作品畀觀眾睇，唔會辜負大家嘅期望。」之後他接受訪問時，透露自己慎重考慮了一段時間才接受這個新挑戰，並會於一月正式上任。不過亞視經常被指有財政問題，問到此刻是否財政健全？林文龍表示︰「之前我唔夠膽講，但由我上任開始，呢一刻我可以講（亞視）係健康健全。（年薪過百萬？）唔好將錢放到咁高，我同賴主席（亞洲電視控股非執行董事兼聯席主席賴彩雲）都唔會刻薄每位員工。」

而欣宜則自爆小時候曾在家玩選美遊戲，她表示︰「我攞住個雞毛掃喺屋企繞場一周，仲叫舅父拍低畀我媽咪睇，真係好唔知醜，哈哈！」不過她指長大後並沒有選美的念頭，笑言今次擔任亞姐總決賽的表演嘉賓亦算圓夢。